Deuteronomio 18 - Cofán: Chiga Tevaen'jen

Chiga Aya'fama afa'su jiya'cho

¹⁷ Tsonsi Na'su Chigaja ñama su: “Aindeccu ña aya'fama afa'suma pañañe iñajan'choja ñotssi tsu.

¹⁸ Nane quema'caen gi faesu ña aya'fama afa'suve israendeccu'suma ccutsiaña. Ña tisenga jongoesuma condasesi tsu tsa ña mandapa su'choma aindeccunga condaya.

¹⁹ Ña Aya'fama afa'su ña mandapa afa'choma condasesi poiyi'cco majan tsama pañambian'da gi tsambe shacama canjaeña.

²⁰ Tsa'ma faesu ‘Chiga Aya'fama afa'su gi’ qquen supa ña afambi'choama condasepa ‘Chiga Aya'fa tsu’ qquen su'ninda tsu tisema fi'ttiya'cho. Toya'caen majan faesu chiga afa'choma afa'ninda tsu tsama'qque fi'ttiya'cho.”