2 Reyes 18 - Cofán: Chiga Tevaen'jen

Ezequíasja Judá na'su

¹ Oseas tsa Ela dutssi'ye tres canqque'fave Israelma manda'je'ni Ezequías, tsa Acaz dutssi'ye, Judáma mandaye ashaen.

² Nane veinticinco canqque'fave an'biamba tsu mandaye ashaen. Tsa'caen ashaemba tsu Judáma veinte y nueve canqque'fave manda Jerusaléni can'jemba. Tise mama tsu Abi tsa Zacarías onque'nge.

³ Ezequíasja tise tayopi'su antian David'caen osha'choma ñotsse tsonsi Na'su Chigaja tisei'ccu avujatssi.

Asiria'su Senaquerib Judáni ji'cho

¹³ Ezequías catorce canqque'fave Judáma mandaje'ni tsu Asiria na'su Senaquerib geraeñe ji. Jipa poi Judá'su sundaro coira'je'cho canqquema iyiccopa patsu.

¹⁷ Omboe tsu Asiria na'suja tise ti'tsse'tssia sundaro na'suma moe na'su Ezequíasnga. Tisei'ccu tsu faesu in'jan'cho shondo'su, toya'caen faesu joccapitssia na'su ji'fa. Tsendeccuja tsain'bio sundarondeccui'ccu Laquisne sombopa ji'fa Jerusalénma patsuye.

²⁸ Jerusaléni jipa tsu joccapitssia na'suja ccutsupa canqque ttuccuni dyaisundeccunga quian'me fundopa hebreo aya'fangae qquen su: —Asiria ande'su ti'tsse joccapitssia na'su que'inga su'choma paña'faja:

²⁹ ‘Injama'tse Ezequías que'ima afopoensa'ne. Nane ñoa'me oshambi tsu tiseja que'ima ccushaeñe. Ñoa'me gi que'ima patsuya.’

³⁰ Nane Ezequías: ‘Na'su Chigaja antteya'bi tsu cuintsu Asiria va canqquema patsuye’ qquen su'ni'qque

³¹ ¡tisema paña'fajama!