1 Reyes 22 - Cofán: Chiga Tevaen'jen

Josafat Judáma na'suve manda'cho

⁴¹ Acab Israelma cuatro canqque'fa manda'je'ni Josafat, tsa Asa dutssi'ye, Judá na'suve ca'nimba mandaye ashaen.

⁴² Mandaye ashaemba tsu treinta y cinco canqque'fave an'biamba Jerusaléni can'jemba manda veinte y cinco canqque'fave. Tise mama tsu Azuba, tsa Silhi onque'nge.

⁴³ Tise yaya Asa'ye ñotsse mandaqquia'caen tsu Josafat'qque tsa'caen cansepa manda. Nane Na'su Chiga Josafat tson'choma attepa ñoa'me avujatssi. Tsa'ma tiseja ñoña'cho chigandeccuma iñajan'jen'ttima joqquitssiambe'yi toya an'bian. Tseni tsu aindeccuja toya ja'je'fa afe'choma afeye, toya'caen ñome'bama o'raeñe.

⁴⁴ Toya'caen Josafat tsu fae'ngae injancco'fa'chove afa Israel na'sui'ccu.

⁵⁰ Josafat pasi tisema a'tu'fa tise tayopi'su antian David canqqueni. Tisema omboe tsu tise dutssi'ye Joram na'suve dapa manda.