1 Reyes 15 - Cofán: Chiga Tevaen'jen

Abiam, Asa Judá andema manda'cho

³ Abiam'qque Judáma mandapa tise yaya'ye'caeñi egae tsincon. Nane tisu injama'choi'ccu tise tayopi'su antian David Na'su tise Chigama in'janqquia'cambipa tsa'caen tsincon.

⁸ Abiam pasi tisema a'tu'fa David canqqueni. Omboe tsu tise dutssi'ye Asa na'suve ca'nimba manda.

¹¹ Asaja tise tayopi'su antian David'caen ñotsse tsonsi Na'su Chigaja tisei'ccu avujatssi.

Nadab israendeccuma manda'cho

²⁵ Asa Judáma dos canqque'fave mandasi tsu Nadab, tsa Jeroboam dutssi'ye, Israelma mandaye ashaen. Tsa'qque dos canqque'faveyi tsu manda.

²⁶ Tsa'ma Na'su Chigaja tise tson'choma chi'ga. Nane tise yaya Jeroboam'ñe egae tsinconqquia'caeñi tise'qque egae tsincon. Tsa'caen egae tsincomba israendeccuma in'jaen cuintsu tsendeccu'qque tsa'caen egae tsincon'faye.

²⁷ Tsa'caen egae tsinconsi Baasa, tsa Isacar aindeccu'su Ahías dutssi'ye, faesundeccui'ccu condasecco'fa ma'caen Nadabma fi'ttiya'chove. Nadabja israe'su sundarondeccui'ccu filisteo ande'su Gibetón canqquema shoquendi ttupa patsuye ronda'jesi Baasapaja jipa tisema fi'tti'fa.

²⁸ Tsa'caen Asa Judáma tres canqque'fave mandasi Baasaja Nadabma fi'ttipa tise manda'je'choma itsapa manda.

Baasa na'suve dapa manda'cho

³³ Tsa'caen Ahías dutssi'ye Baasa na'suve dapa Tirsani can'jemba manda veinte y cuatro canqque'fave.

³⁴ Tsa'ma tise tson'jen'cho egasi tsu Na'su Chigaja tisema iyicca'ye. Nane Jeroboam egae tsincomba Israel aindeccuma in'jaensi egae tsinconqquia'caeñi tsu Baasaja egae tsincon.