Yônais 2 - Bunong Bible Latin Script Cambodian dialect

Yônais rgâl nuih n'hâm plơ̆ sât ma Brah Yêhôva

¹ Jêh ri Brah Yêhôva ăn du mlŏm ka kuŏng rnguăn Yônais, jêh ri ka kuŏng i nây rnguăn Yônais ri, păng gŭ ta trôm ndŭl ka pe năng pe nar

² jêh ri păng mbơh sơm ma Brah Yêhôva i Brah păng nơm ri bơh trôm ndŭl ka i nây.

³ Păng lah: “Dôl gâp geh nau jêr, gâp joi kuăl Brah Yêhôva Păng plơ̆ ơh ngăn ro Dôl gâp mân gâp mra khât ngăn ro gâp nter dăn May kơl May kơl ngăn ro.

⁴ May mƀăr gâp ta ntŭk dŭt jru ngăn Ta nâm blat dak văch dak văr Chiao ma năp kơi dŏng lơ gâp nơh geh dak dadê May đă đŏng dak nchŏch rbuh Truyh ta gâp.

⁵ Gâp mân lah May mƀăr gâp ngai Bơh măt May ngăn Gâp mâu mra uănh Nhih jan brah kloh uehMay nơm jât ôh.

⁶ Gâp ngŏm ta nâm dak ngăn bơi ma khât ro Gâp gŭ ta nklang dak dŭt jru ngăn Mbrâng put jŭm bôk gâp.

⁷ Hơi Brah Yêhôva i Brah gâp ơi Gâp nơh ngŏm ta nâm dak văch dak văr dŭt jru ta njŏng yôk ri Nkre ma khan ta bri phan nây Yơn ma May lĕ sŏ jêh bơh ntŭk nây ăn gâp rêh tay.

⁸ Dôl gâp bơi ŭch tăch n'hâm Gâp kah gĭt mbơh sơm ma May Jêh ri tăng tât Ta nhih jan brah May ta ƀon Yêrusalem ngăn ro.

⁹ Bunuyh i tâng mbah ma brah êng êng i mâu geh nau khlay Păng mâu ôh dơi geh sŏ nau rŏng răp jăp tă bơh Kôranh Brah i ŭch ăn i nây nơh.

¹⁰ Gâp be nơh lah ueh ma Kôranh Brah Ndrel ma sŏ ndơ jan nhhơr ma Brah Yêhôva Tâm di đah nau gâp mât ton Yorlah Brah Yêhôva dơm dơi rklaih”.

¹¹ Jêh ri Brah Yêhôva đă ka i nây hok nglôh lơi Yônais, jêh ri ka i nây hok nglôh păng a kơh ti ngăn.