Yônais 2 - Bunongយោនាយ្ស រាគ៝ល់នូយ្សនហ៝ម់ព្លឹឆឹតមា ឞ្រាសយេហោវា 1 ជេសរីឞ្រាសយេហោវា អ៝ន់ទូមល៝ម់កាក្វ៝ង់រាង្វាន់យោនាយ្ស ជេសរីកាក្វ៝ង់អីនៃរាង្វាន់យោនាយ្ស រី ពាង់គុតាត្រោមនទុលកាពែនាង់ពែនារ 2 ជេសរីពាង់មឞើសឆើមមាឞ្រាសយេហោវា អីឞ្រាសពាង់នើមរីឞើសត្រោមនទុលកាអីនៃ។ 3 ពាង់លាស៖ “ទោលគ៝ប់គែសនាវជេរ គ៝ប់ជ៝យក្វាល់ឞ្រាសយេហោវា ពាង់ព្លឹអើសងាន់រ៝ ទោលគ៝ប់មឹនគ៝ប់មរាខឹតងាន់រ៝គ៝ប់នតែរទាន់មៃកើល មៃកើលងាន់រ៝។ 4 មៃមអារ់គ៝ប់តានតុកទុតជ្រូងាន់ តាន៝ម់ឞ្លាតទាកវាច់ទាកវារ់ ច្យៅមានាប់កើយទ៝ង់លើគ៝ប់នើសគែសទាកទាទេ មៃដាៈដ៝ង់ទាកញច៝ច់រាឞុស ត្រុយ្សតាគ៝ប់។ 5 គ៝ប់មឹនលាសមៃមអារ់គ៝ប់ងាយ ឞើសមាត់មៃងាន់ គ៝ប់មោមរាអ្វាញ់ ញីសជានឞ្រាសក្ល៝សអ្វែសមៃនើមជឹតអោស។ 6 គ៝ប់ង៝ម់តាន៝ម់ទាកងាន់ឞើយមាខឹតរ៝ គ៝ប់គុតាងក្លាងទាកទុតជ្រូងាន់ មឞ្រឹងពូតជុមឞោកគ៝ប់។ 7 ហើយឞ្រាសយេហោវា អីឞ្រាសគ៝ប់អើយ គ៝ប់នើសង៝ម់តាន៝ម់ទាកវាច់ទាកវារ់ទុតជ្រូតាញជ៝ង់យោករី ងក្រែមាខានតាឞ្រីផាននៃ យើនមាមៃលែៈឆ៝ៈជេសឞើសនតុកនៃអ៝ន់គ៝ប់រេសតៃ។ 8 ទោលគ៝ប់ឞើយអុចតាច់នហ៝ម់ គ៝ប់កាសគឹតមឞើសឆើមមាមៃ ជេសរីតាង់ត៝ត់ តាញីសជានឞ្រាសមៃតាប៝នយេរូឆាលឹម ងាន់រ៝។ 9 ឞូនុយ្សអីតឹងមឞាសមាឞ្រាសអេងៗអីមោគែសនាវខ្លៃ ពាង់មោអោសទើយគែសឆ៝ៈនាវរ៝ង់រាប់ជាប់តាៈឞើសកោរាញឞ្រាសអីអុចអ៝ន់អីនៃនើស។ 10 គ៝ប់ឞែនើសលាសអ្វែសមាកោរាញឞ្រាស នទ្រែលមាឆ៝ៈនទើជានញហើរមាឞ្រាសយេហោវា តឹមទីដាសនាវគ៝ប់ម៝ត់ត៝ន យ៝រលាសឞ្រាសយេហោវា ទើមទើយរាក្លាយ្ស”។ 11 ជេសរីឞ្រាសយេហោវា ដាៈកាអីនៃហ៝កងលោសលើយយោនាយ្ស ជេសរីកាអីនៃហ៝កងលោសពាង់អាកើសតីងាន់។ |
© (Active) Wycliffe Bible Translators, Inc. All rights reserved.
Wycliffe Bible Translators, Inc.