Nau Mprơ Ơm 130 - Nau Brah Ndu Ngơi 2023

Kâp gân Kôranh Brah yô̆ nđach jêh ri yô̆ an

Nau mprơ hăn hao tưng gưl

¹ Ơ Brah Yêhôva! Ntơm bơh ntŭk brŏng jru, Gâp vơh vơl dăn ma May.

² Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

³ Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

⁴ Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

⁵ Gâp kâp gân Brah Yêhôva, huêng gâp kâp gân Păng; Gâp kâp gân tâm nau Păng ngơi.

⁶ Huêng gâp kâp gân ma Kôranh Brah Rlau lơn ma phung tahan gak kâp ang ôi, Nanê̆ rlau lơn ma phung tahan gak kâp ang ôi.

⁷ Ơ phung Israel, kâp gân hom ma Brah Yêhôva Yorlah Brah Yêhôva bêng ma nuih n'hâm ueh, Jêh ri Păng ăn nau tâm rklaih rmeh ler.

⁸ Păng yơh mra tâm chuai phung Israel Bơh lĕ nau mhĭk.