গীতসংহিতা 76 - Chakma Bibleগান পরিচালগত্যে। তারর বাজনার সমারে সমারে গাহ্ পুরিবো। আসফর এক্কো গীদ্। এক্কো গান। 1 যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্। 2 শালেমত্ তার থেবার-ঘরান্ আর সিয়োনত্ তার থেবারজাগা আঘে। 3 তে সিদু বেক্ জোল্জোল্যে সেলুন ভাঙি ফেলেয়্যে, ভাঙি ফেলেয়্যে ঢালানি, তলোয়ার আর যুদ্ধোর আত্যেরানি। 4 তুই পহ্রে কেজান জোল্জোল্যে! শিগেরে ভরা মুড়োবোত্তুন তর্ ফিরি এজানা কেধোক্ক্যেন্ মহিমালোই ভরা! 5 সাহসী যোদ্ধাগুনোরে লুদো ওইয়্যে, তারা শেজ ঘুমোত্ ঢুলি পোজ্যন্; কনঅ যোদ্ধার আঢত্ আর বল্ ন-এলঅ। 6 ও যাকোবর গোজেন, ঘোড়া আর রথচালেয়্যেগুনে তর্ ধমক হেইনে গভিন ঘুমোত্ ঢুলি পোজ্যন্। 7 তুই, তুই অমকদ দর্গরেপারা; তঅ রাগ্কান উদিলে কন্না তঅ মুজুঙোত্ থিয়্যেই পারে? 8-9 স্বর্গত্তুন্ তুই তর্ বিচেরর রায় শুনেলে; ও গোজেন, তুই উদিলে বিচের গুরিবাত্যে; আর পিত্থিমীর অত্যেচার ওইয়্যে মানুচ্চুনোরে রোক্ক্যে গুরিবাত্যে; সেক্কে পিত্থিমীগান দরে অলর্ অলঅ। 10 ঘেচ্চেক্গুরি মান্জ্যর রাগর্ কারনে তর্ নাঙ্ গিনে অয়; সেই রাগর বাদ্বাগি ভাগ্কান্দোই তুই নিজোরে সাজা। 11 তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্গরেপারা তার নাঙে চেরোকিত্তে দেজত্তুন্ মানুচ্চুনে বক্শিজ্ আনোদোক্। 12 শাজন্গুরিয়্যেগুনোর সাহস্ছানি তেয়ই দোঙেই দে; পিত্থিমীর রাজাগুনে তারে দরান্। |
Copyright © 2021 Bangladesh Bible Society
Bangladesh Bible Society