গীতসংহিতা 133 - Chakma Bible

উগুরে উদিবার গান। দায়ূদোর গান।

¹ মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

² সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

³ মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।