যোনা 2 - Chakma Bible

যোনার তবনা গরানা

^1-2 যোনা সেই মাছ পেদত্তুন্ তার্ গোজেন লগেপ্রভু ইধু তবনা গুরিলো। তে কলঅ, ও লগেপ্রভু, মর্ দুঘোর্ সময়োত্ মুই তরে ডাগিলুং আর তুই মরে জোব্ দিলে। মরণ জাগানর্ গভিনোত্তুন্ মুই এযালত্তে ডাগিলুং আর তুই মঅ কানানিগান শুনিলে।

³ তুই মরে গভীন্ পানিত্, সাগর তলাত্ ফেলেই দিলে আর মুই গঙার সংমোধ্যে ভাজি গেলুং; তর্ বেক তুবোলুন্ মঅ উগুরেদি বেঈ গেলঅ।

⁴ মুই কলুং, মরে তঅ চোগো মুজুঙোত্তুন্ দূর্ গুরি দিয়্যে ওইয়্যে; তো মুই আরঅ তর্ সেই সুদ্ধো-সাংগ ঘরান ইন্দি রিনি চেইম্।

⁵ সাগর পানিগানে মরে গিলিনে মরন দোড়ত্ সং নেযেল; সাগরানে মরে গিরি ধুরিলো আর তা এযেলাগানিয়ে মঅ মাঢাবোত্ বেড়েল।

⁶ মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

⁷ “ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।

⁸ যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

⁹ মাত্তর্ মুই ভালেদির্ গীদ্ গেইনে তঅ নাঙে য়েমান উৎসর্ব গুরিম। মুই যে মানত্তান্ গোজ্যং সিয়েন পূরোণ গুরিম। উদ্ধোর গরানা লগেপ্রভুর কাম।”

¹⁰ পরেদি লগেপ্রভু মাছ্‌‌‌‌‌সোরে উগুম দিলো আর মাছ্‌‌‌‌‌সো যোনারে শুগুনো মাদি উগুরে উগুলিনে নিগিলেই দিলো।