১ বংশধর 8 - Chakma Bibleবিন্যামীন-গুট্টির বংশগুনোর্-নাঙানি 1 বিন্যামীনর্ পত্তম পুয়োবো অলঅ বেলা, দ্বিলম্বরত্ অস্বেল, তিন লম্বর অহর্হ, 2 চের্ লম্বরত্ নোহা আর পাচ্ লম্বরত্ রাফা। 3 বেলা পুয়োগুন অলাক্ অদ্দর, গেরা, অবীহূদ, 4 অবীশূয়, নামান, আহোহ, 5 গেরা, শফূফন আর হূরম। 6-7 এহূদ পুয়োগুন অলাক্ নামান, অহিয় আর গেরা। ইগুনে এলাক্ গেবায় বজত্তি গুরিয়্যে মানুচ্চুনোর্ বংশর নেতা। গেরা তার্ দ্বিভেইয়োরে গেবাত্তুন্ জোর্ গুরিনে নিগিলেই দিলো; সেক্কে তারা মানহতদ্ যেইনে বজত্তি গরা ধুরিলাক্। গেরা অলদে উষঃ আর অহীহূদর বাপ। 8-9 শহরয়িম তার্ দ্বিবে মোগোরে হূশীম আর বারারে ছুড়্ কাবোজ্ দিলো। মোয়াব দেজত্ তার্ অন্য মোগ্ হোদশর পেদত্ তার্ এ পুয়োগুনোর্ জর্ম ওইয়্যে: যোবব, সিবিয়, মেশা, মল্কম, 10 যিয়ূশ, শখিয় আর মির্ম। ইগুনে এলাক্ নিজোর্ নিজোর্ বংশর নেতা। 11 হূশীমোর পেদত্ তার্ আরঅ দ্বিবে পুয়ো অহীটূব আর ইল্পালর জর্ম ওইয়্যে। 12-13 ইল্পাল পুয়োগুন অলাক্ এবর, মিশিয়ম, শেমদ, বরীয় আর শেমা। ওনো আরি লোদ আদামান্ আর সিয়েনি চেরোকিত্তে অন্য আদামানি শেমদ বানেয়্যে। বরীয় আর শেমা অলদে অয়ালোনত্ বজত্তি গুরিয়্যে মানুচ্চুনোর্ বংশর্ নেতা। গাতর মানুচ্চুনোরে ইগুনে ধাবেই দুয়োন্। 14-16 বরীয় পুয়োগুন অলাক্ অহিয়ো, শাশক, যিরেমোৎ, সবদিয়, অরাদ, এদর, মীখায়েল, যিশ্পা আর যোহ। 17-18 ইল্পাল পুয়োগুন অলাক্ সবদিয়, মশুল্লম, হিষ্কি, হেবর, যিশ্মরয়, যিষ্লিয় আর যোবব। 19-21 শিমিয়ি পুয়োগুন অলাক্ যাকীম, সিখ্রি, সব্দি, ইলিয়ৈনয়, সিল্লথয়, ইলীয়েল, অদায়া, বরায়া আর শিম্রৎ। 22-25 শাশক পুয়োগুন অলাক্ যিশ্পন, এবর, ইলীয়েল, অব্দোন, সিখ্রি, হানন, হনানিয়, এলম, অন্তোথিয়, যিফদিয় আর পনূয়েল। 26-27 যিরোহম পুয়োগুন অলাক্ শিম্শরয়, শহরিয়, অথলিয়, যারিশিয়, এলিয় আর সিখ্রি। 28 ইগুনে বেক্কুনে এলাক্ নিজোর্ নিজোর্ বংশর্ নেতা আর বংশগুনো-নাঙানি মজিম ইগুনে পত্তিজনে এলাক্ আজল্ মানুচ্। ইগুনে যিরূশালেমত্ বজত্তি গুরিদাক্। 29 যে মানুচ্চো গিবিয়োন্ আদামান্ বানেয়্যে তে সিদু বজত্তি গুরিদো। তা মোক্কোর্ নাঙান্ এলদে মাখা; 30 তার্ পত্তম পুয়োবো অলদে অব্দোন, সে পরেন্দি সূর, কীশ, বাল, নাদব, 31-32 গদোর, অহিয়ো, সখর আর মিক্লোৎ। মিক্লোত পুয়ো অলঅ শিমিয়। ইগুনেয়ো যিরূশালেমত্ তারা বংশর মানুচ্চুনো ইদু বজত্তি গুরিদাক্। 33 নেরের পুয়ো কীশ আর কীশ পুয়ো শৌল। শৌল পুয়োগুন অলাক্ যোনাথন, মল্কীশূয়, অবীনাদব আর ইশ্বাল। 34 যোনাথন পুয়ো মরীব্-বাল আর মরীব্-বাল পুয়ো মীখা। 35 মীখা পুয়োগুন অলাক্ পিথোন, মেলক, তরেয় আর আহস। 36 আহস পুয়ো যিহোয়াদা, যিহোয়াদা পুয়োগুন অলাক্ আলেমৎ, অস্মাবৎ আর সিম্রি। সিম্রি পুয়ো মোৎসা, 37 মোৎসার পুয়ো বিনিয়া, বিনিয়া পুয়ো রফায়, রফায় পুয়ো ইলীয়াসা আর ইলীয়াসা পুয়ো আৎসেল। 38 আৎসেল ছঅজন পুয়োর্ নাঙানি অলঅ অস্রীকাম, বোখরূ, ইশ্মায়েল, শিয়রিয়, ওবদিয় আর হানান। 39 আৎসেল ভেই এশক পুয়োগুনো ভিদিরে পত্তম অলঅ উলম, দ্বিলম্বরত্ যিয়ূশ আর তিন লম্বরত্ এলীফেলট। 40 ঊলম পুয়োগুন বোলী যোদ্ধা এলাক্। ইগুনে ধনু মারানা বেবহার জানিদাক্। তারার্ ভালোক্কুন্ পুয়ো আর নাদিন্ এলাক্। তারা জনেদি এলাক্কে একশঅ পঞ্চাশ জন। |
Copyright © 2021 Bangladesh Bible Society
Bangladesh Bible Society