Salmos 93 - Chayahuita (Shahui)

Sinioro chini chiníquën nanantaton huaꞌanëntarinsoꞌ

¹ ¡Sinioro huaꞌanëntarin huachi! Noya noya aꞌmorëso pochin yaꞌnorin. Chini chiníquën nanantaton camaitarin. Yaꞌipiroꞌpaꞌ nóya acorin niꞌton, co piꞌpian tëranta nacontarinhuëꞌ.

² Quëmaso Sinioro yaꞌhuëmiatëran. Nani maꞌsha caniaritërin quëran huarëꞌ, huaꞌanëntëran.

³ Quëmasoꞌ Sinioronquën. Iroꞌsasoꞌ, panca coꞌsacaitatona tënëntopi.

⁴ Quëmaso napoaponahuëꞌ, inápaquë yaꞌhuëran. Marëroꞌsa coꞌsacaitatona tënëntopi quëran chini chiníquën nanantëran.

⁵ Sinioronquën niꞌton, camaitëransopita yaꞌhuëmiatarin. Noyasáchin nicaton, chinotërinënquënso pëiquë yaꞌhuëran. Inaquë yaꞌhuëran niꞌton, pëinënsoꞌ noyápiachin yaꞌnorin.