Salmos 43 - Chayahuita (Shahui)

Noya acoantacaso marëꞌ Yosë nontërinsoꞌ

¹ Ina quëran Yosë nontaantarahuë: “Co caso manta onpopirahuëꞌ, aparisitárinaco. Inpioroꞌsa niponaraihuëꞌ napotarinaco. Co noyahuëꞌ cancantatonaꞌ, nonpinapirinaco. Inapotopirinacohuëꞌ, ¡inapita quëran nichaꞌëco!

² Quëmasáchin Yosënëhuënquën niꞌton, yápaꞌpoyapirancohuëꞌ. ¿Onpoatonta co huachi tahuërëtërancohuëꞌ? Inimiconëhuëpita aparisitërinaco niꞌton, sëtárahuë. ‘¡Co inapochin sëtápaꞌhuaso yaꞌhuërinhuëꞌ!’ tënahuë yonquiato.

³ Quëmasoꞌ Sinioro noꞌtëquënáchin aꞌchinan. Aꞌchinan quëran aꞌpintoco iranën noꞌtëquën paꞌchi. Yaꞌhuëranquë chachin pacaꞌhuasoꞌ, aꞌnochinco.

⁴ Artaronënquë huarëꞌ canconahuato chinotaranquën. Arpa piꞌniato: ‘Yosparinquën,’ itaranquën. Quëmasáchin yonquiatënquën capa cancantërahuë,” itërahuë.

⁵ Parisitápirahuëꞌ, ¡ama huachi sëchisohuëꞌ! ¡Ama huachi napion ancanchisohuëꞌ! Sinioro catahuaantaponco. Ina nohuanton noya chinotaantapo. Inasáchin Yosënëhuë niꞌton, nichaꞌësarinco.