Salmos 23 - Chayahuita (Shahui)

Sinioro aꞌpairinpoasoꞌ

Isonta canta Tapiri ocoirin

¹ Quëmasoꞌ Sinioro nóya aꞌpairanco. Ohuicaroꞌsa huaꞌanëni aꞌpairinso pochin nitëranco. Co manta pahuantërincohuëꞌ.

² Huaꞌanëni ohuicaroꞌsa noya pastoquë quëparin. Nani coshatohuachinara, inaquë chinotopi. Oꞌocaiso marëntaꞌ, sanoiꞌ nininquë quëparin.

³ Inapochachin cantaꞌ, achinicancanachinanco. Noyanquën niꞌton, anoyacancantëranco noya nicaꞌhuaso marëꞌ.

⁴ Chiminchináchin nipirahuë tërantaꞌ, co manta tëꞌhuataꞌhuaso yaꞌhuërinhuëꞌ. Quëmasoꞌ Sinioro co patarancohuëꞌ. Ohuicaroꞌsasoꞌ, huaꞌanëni huaranën quëran paꞌpoyarin. Inapochachin canta noya niꞌsaranco niꞌton, chiníquën cancantarahuë.

⁵ Inimicoroꞌsa noꞌhuipirinacohuëꞌ, quëmasoꞌ noya nicatonco, noya cosharo acotëranco. Pimo huaꞌsaiquë pashimototëranco. Minëquë taꞌpanápatëra chaꞌhuërinso pochin yaꞌsoaquë huarëꞌ catahuaranco.

⁶ Noya noyanquën niꞌton, nosoromiatëranco. Chiminaꞌhuaquë huarëꞌ catahuarancoso nisarin. Ina piquërantaꞌ, quëmaroꞌco chachin yaꞌhuëranquë yaꞌhuëmiatarahuë.