Salmos 2 - Chayahuita (Shahui)

Yosëri huaꞌanëntacaso marëꞌ acorinsoꞌ

¹ Inpio nacionoꞌsaquë yaꞌhuëpisopita, co noꞌtëquën yonquipihuëꞌ. Sinioro co quëꞌyatonaraihuëꞌ pinosapi: “Huëco canpoari minsëahuaꞌ,” taꞌtonaꞌ, maꞌsha onpotacaisoꞌ yonquirapi.

² Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

³ “¡Huëco canpoara nohuantërëhuasoꞌ niahuaꞌ! ¡Co ina natëcaso yaꞌhuërinhuëꞌ!” tosapi.

⁴ Siniorosoꞌ, inápaquë huaꞌanëntërin. Piyapiꞌsari noꞌhuipisoꞌ natanaton, tëhuarin.

⁵ Ina quëran noꞌhuiton pënënin. Iquianantaton aꞌpayanin:

⁶ “Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

⁷ Copirno acorinsonta pënëntaton: “Iporaso Sinioro yonquirinsoꞌ, shaꞌhuichinquëmaꞌ. Inachachin nontatonco: ‘Quëmasoꞌ huiꞌnahuënquën. Ipora acoranquën huaꞌanëntamaso marëꞌ.

⁸ Nisha nisha nacionoꞌsaꞌ, huaꞌanëntaton camaiaran. Isoroꞌpaꞌ nanirinquë huarënta natanpatanco, yaꞌipi quëtaranquën huaꞌanëntaran.

⁹ Huaꞌna huaraquë copirnoroꞌsa ataꞌhuantaran. Noꞌpaꞌ huëꞌëta nipatërëso pochin nitaran,’ itërinco,” tënin.

¹⁰ Napoaton copirnoroꞌsanquëma yonquicoꞌ. Huaꞌanoꞌsanquëmantaꞌ, noya natancoꞌ. Apira aꞌchintaranquëmasoꞌ, noya nitotocoꞌ.

¹¹ Sinioro tëꞌhuatatomaꞌ, noya chinotocoꞌ. Inapoatomaꞌ, capa cancantocoꞌ.

¹² Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.