Salmos 127 - Chayahuita (Shahui)

Yosë catahuahuachinpoa noya yaꞌhuërëhuasoꞌ

Isonta canta, Saromon ocoirinsoꞌ

¹ Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

² Aꞌnaquën tashirë chachin sacatopi. Naporahuatona chiníquën sacatai huarëꞌ coshatopi. Napoaponaraihuëꞌ, co sano cancantopihuëꞌ. Yosë nosororëhuasopitasoꞌ, tashi noya huëꞌëpirëhuahuëꞌ, ina nohuanton noya cosharo yaꞌhuëtërinpoaꞌ.

³ Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

⁴ Huiꞌnapitasëhua huiꞌnanpoa yaꞌhuëtërinpoasoꞌ, naꞌcon catahuarinpoaꞌ. Sontaro, pëꞌchinan shinërëroꞌsa sëꞌquërinso pochin nipi.

⁵ Naꞌa shinërë yaꞌhuëtërinpoaso pochin naꞌa huiꞌnahuanpatëhuaꞌ, capa cancantarihuaꞌ. Inimiconënpoapita coisëquë quëpahuachinpoaꞌ, co atapanarinënpoahuëꞌ.