Salmos 100 - Chayahuita (Shahui)

Nininpoa niꞌton, Sinioro chinotacaso yaꞌhuërinsoꞌ

¹ Yaꞌipi isoroꞌpaquë yaꞌhuërëhuasopita, capa cancantatëhua Sinioro cantanën cantahuaꞌ.

² Capa cancantatëhua Sinioro paꞌyatahuaꞌ. Capa cancantatëhua ina chinotacaso pëiquë yaꞌcoanhuaꞌ.

³ Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

⁴ Chinotacaso marëꞌ yaꞌconpatëhuaꞌ: “Yosparinquën Sinioro. ¡Ma noyanquëncha niꞌton, catahuarancoi paya!” itahuaꞌ.

⁵ Siniorosoꞌ noyasáchin ninin. Nosoromiatërinpoa niꞌton, co onporonta aꞌpoarinpoahuëꞌ. Shaꞌhuitërinpoaso chachin huiꞌnanpoaꞌ, shiaꞌhuayanënpoaꞌ, inapitanta noya catahuarápon.