Proverbios 6 - Chayahuita (Shahui)

^1-5 (-)

Chirotëroꞌsa pënëninsoꞌ

⁶ Aꞌnaquëmasoꞌ, chiroconamaꞌ. Paatoma canpitaso nipi niꞌconcoꞌ. Maꞌpitaso nisarinso nicatomaꞌ, cancan macoꞌ.

⁷ Inasoꞌ, co huaꞌanën yaꞌhuëtërinhuëꞌ. Co incari tëranta maꞌsona nicacasoꞌ, camairinhuëꞌ.

⁸ Piꞌipi tahuëri cosharonën yontonin. Sharoꞌsa macacaso tahuëriꞌsa cosharo yontonaton taparin.

⁹ ¡Capayatëquë huachi chirotëꞌ! ¡Huënsëaton huachi maꞌsha niquëꞌ!

¹⁰ “Amashamiachin huëꞌëriꞌi,” tëcaton, nichiꞌhuara tanpatëran quëran huëꞌëantaran.

¹¹ Napoápatan maꞌsha nohuantamasoꞌ cantiarinquën. Matararo huëcapairinquënso pochin, popriyatacasontaꞌ, cantiarinquën.

^12-15 (-)

Yosëri co quëꞌyarinsopitahuëꞌ

¹⁶ Saota pochin, canchisënta yaꞌhuërin co Siniorori quëꞌyarinsopitahuëꞌ:

¹⁷ Caso noya noyaco topisopita. Nonpinacasoráchin cancantopisopita. Co maꞌsha onpotopirinahuëꞌ tëpatopisopita.

¹⁸ Co noyahuëꞌ nicacaisoráchin yonquipisopita. Co noyahuëꞌ nicacaiso marëꞌ paꞌpi manopisopita.

¹⁹ Piyapi nonpinapipisopita. Noya ninicatona yaꞌhuërapirinahuëꞌ, nanan ocoirapipisopita. Inapita co Siniorori quëꞌyarinhuëꞌ.

^20-35 (-)