Proverbios 24 - Chayahuita (Shahui)

^1-2 (-)

Yonquínahuan nicacasoꞌ, naꞌcon naꞌcon catahuarinpoasoꞌ

³ Yonquínahuan nipatëra, noya pëirëꞌ. Yonqui yonquícharahuatëra, achinicaso marëꞌ simintonënꞌton acotërëꞌ.

⁴ Maꞌsha nicacasoꞌ nitotohuatëra, pëinënpoaquë patoanaroꞌsa amëntatërëꞌ. Noyápiachin paꞌton nininsopita quëran amëntatërëꞌ.

⁵ Chiníquën nipatëra, naꞌcon catahuarinpoꞌ. Yonquínahuan nipatërasoꞌ, naꞌcon naꞌcon catahuarinpoꞌ. Chiníquën nanantohuatëra, catahuarinpoꞌ. Yonquínahuan nipatërasoꞌ, naꞌcon naꞌcon catahuarinpoꞌ.

⁶ Noya yonquirahuatë quira ninëꞌ. Naꞌa ayonquinaꞌpiroꞌsa shaꞌhuihuachinaꞌ, nanitërë canatacasoꞌ.

^7-16 (-)

Inimiconën maꞌsha onpohuachin, co capa cancantacaso yaꞌhuërinhuëꞌ

¹⁷ Inimiconën maꞌsha onpohuachin: “Ma noyacha naporin paya,” ama tëquësohuëꞌ. Maꞌsha opohuachin, ama ina marëꞌ capa cancantëquësohuëꞌ.

¹⁸ Naporinso marëꞌ noya ancantohuatan, co Sinioro costaponhuëꞌ. Co costatonhuëꞌ, anaꞌintërinso tananpitapon.

Co noyapatatë noꞌhuitacaso yaꞌhuërinhuëꞌ

¹⁹ Co noyahuëꞌ nipisopita yonquiaton, ama noꞌhuitëquësohuëꞌ. Naꞌa maꞌsha yaꞌhuëtohuachinaꞌ, ama noyapatëquësohuëꞌ.

²⁰ Co noyahuëꞌ nipisopitasoꞌ, co noya quëran taꞌhuantaponahuëꞌ. Nanparin tacopirinso pochin inapitaso taꞌhuantaponaꞌ.

^21-34 (-)