Proverbios 22 - Chayahuita (Shahui)

¹ Naꞌa oro, prata, inapita yaꞌhuëtacaisoꞌ, co onpopinchin paꞌtërinhuëꞌ. Noya piyapi nininso marëꞌ noya nahuinpachin naꞌcon naꞌcon paꞌtërin.

² Maꞌhuanoꞌsasoꞌ, popriroꞌsa quëran nishatopi. Napoaponahuëꞌ, cato chachin Yosëri ninin.

³ Yonquínahuansoꞌ, huëꞌhuëpiro nininsoꞌ tantiarin. Napoaton coꞌhuara maꞌsha onpoyátëraponhuëꞌ, yaꞌhuincarin. Naponin yonquipisopitaso nipirinhuëꞌ, co inapoatonahuëꞌ, maꞌsha onpocasoꞌ quënapatopi.

⁴ Sano piyapi nicatëhua Yosë natëhuatëhuaꞌ, maꞌhuanacasoꞌ, huaꞌqui nanpicasoꞌ, noya nicainënpoasoꞌ, inapita quënanarihuaꞌ.

⁵ Co noyahuëꞌ nisápatëhuasoꞌ, huënsonquë maꞌsha manëso pochin maꞌsha onpoarihuaꞌ. Noya yonquihuatëhuaso nipirinhuëꞌ, co noyahuëꞌ ninëhuasopita aꞌpoatëhuaꞌ, noya nicarihuaꞌ.

⁶ Huaꞌhuatapona quëran huarëꞌ huiꞌnanpoa noya nicacaiso marëꞌ pënëanhuaꞌ. Inapotohuatëhua mashotohuachinantaꞌ, huaꞌhuatapon nitotërinsoꞌ, co naniantarinhuëꞌ.

^7-29 (-)