Proverbios 15 - Chayahuita (Shahui)

¹ Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

² Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

³ Siniorosoꞌ yaꞌipi parti yaꞌhuëarin. Noya nipisopita, co noyahuëꞌ nipisopitanta yaꞌipi niꞌsárin.

⁴ Noyasha nonpatëra, nanpirin nara pochin ninëꞌ. Naponin nonpatëraso nipirinhuëꞌ, piyapiꞌsa asëtërëꞌ.

⁵ Co yonquinahuanhuëꞌ nipachin, co paꞌpini tëranta pënënaton anaꞌintacaso nohuantërinhuëꞌ. Noya natanpachinsoꞌ, yonquínahuan nisarin.

⁶ Aꞌnaquënso co ihuatochináchinhuëꞌ, cancantopi. Inaporinsopitasoꞌ, notohuaroꞌ maꞌsha pëinënquë yaꞌhuëtërin. Co noyahuëꞌ nipisopitaso nipirinhuëꞌ, naꞌcon canapirinahuëꞌ, co inari catahuarinhuëꞌ.

⁷ Yonquinahuanoꞌsaso nonpachinara, piyapiꞌsa yonquínahuan acoapi. Yaꞌhuërëꞌ co yonquinahuanoꞌsahuëꞌ nonpachinara, anishacancantopi.

⁸ Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

⁹ Co noyahuëꞌ nipisopita napopisoꞌ, co Siniorori ahuantërinhuëꞌ. Noyasáchin nipisopitaso nipirinhuëꞌ, nosororin.

^10-33 (-)