Números 10 - Chayahuita (Shahui)

^1-10 (-)

Israiroꞌsa Sinai quëran paantapisoꞌ

¹¹ Israiroꞌsa Iquipito quëran pipipisoꞌ, nani aꞌna piꞌi nisahuaton aꞌna yoqui cato shonca tahuëritapi. Naporo tahuëri chachin Yosë chinotopiso pëi quëran, chitoro niotërin huachi. Inaso pëiꞌ, “Yosërëꞌ anoyatopiso nëꞌmëtë pëiꞌ,” itopi antaꞌ.

¹² Inapohuachina Sinai inotëro quëran israiroꞌsa paantapi. Paꞌsapirinahuëꞌ Paran inotëro partiquë nipachinara, chitoro chiniconin.

^13-32 (-)

³³ Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

³⁴ Tahuëri nipachina ipora paasoi chachin Sinioro chitoronën israiroꞌsa notënanquë paꞌsarin.

³⁵ Yosë caposonëonta ipora quëpasoi chachin, Moisësë Yosë nontarin: “¡Huanitë pochin nicaton Sinioro, inimiconënpita aꞌpaquëꞌ! Co quëꞌyarinënquënsopitahuëꞌ nicatënën, taꞌainaꞌ,” itërin. Nani yapaꞌpiquë naporin.

³⁶ Yosë caposonën quëpapisopita chiniconpachinara, Moisësë napoantarin: “¡Naquëranchin Sinioro huëantaquëꞌ! Israiro sontaroꞌsa chinotapiquë huëantaquëꞌ. Inahuaso co pichinahuanhuëꞌ yaꞌhuëpi,” taantarin. Nani chiniconpiquë naporin.