Isaías 2 - Chayahuita (Shahui)

Sinioro yaꞌipi huaꞌanëntarinsoꞌ

¹ Amosë huiꞌnin Isaiasë pënëntonaꞌpisoꞌ, Yosëri huaꞌnarëso pochin aꞌnotërin. Cota huënton israiroꞌsaꞌ, Quirosarin ninanoꞌ, inapita maꞌsona onpocaisoꞌ anitotërin:

² Ayaro tahuëri yaꞌcaritohuachin, Sinioro chinotacaso pëi yaꞌhuërinquë motopisoꞌ, Siniorori noya noya acoapon. Aꞌnapita motopiroꞌsa quëran ina inápa nisarin. Nisha nisha nacionquë yaꞌhuëpisopita inaquë huëcaponaꞌ.

³ Notohuaroꞌ piyapiroꞌsa huëꞌsahuatonaꞌ: “Huëco Sinioro motopinënquë pantaꞌahuaꞌ. Israiroꞌsari chinotërinso pëinënquë pantaꞌahuaꞌ. Pënëntërinsopita aꞌchinchinpoaꞌ. Aꞌchintohuachinpoa noya natëahuaꞌ. Sion motopi quëran Yosë chachin aꞌchintarinpoaꞌ. Quirosarin ninano quëran nanamën aꞌchinapi,” tëcaponaꞌ.

⁴ Nisha nisha nacionoꞌsa Siniorori coisë pochin nicaton noꞌtëquën shaꞌhuitarin. Nisha nisha piyapiroꞌsa ninoꞌhuirápirinahuëꞌ, acopitapon. Sahuëninënaꞌ, noꞌpaꞌ ohuërënanoꞌsa atarantaponaꞌ. Nansanënantaꞌ, yaquitonanoꞌsa atarantaponaꞌ. Co inso piyapiroꞌsa tërantaꞌ, niahuëcaiso marëꞌ ohuarapisopita macaponahuëꞌ. Naporahuatonaꞌ, co huachi niahuëcaiso marëꞌ niaꞌchintaponahuëꞌ.

⁵ Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

^6-22 (-)