Éxodo 13 - Chayahuita (Shahui)

^1-16 (-)

Yosëri chachin israiroꞌsa quëparinsoꞌ

¹⁷ Iquipito copirnori israiroꞌsa aꞌpahuachina, Yosëso yonquiaton naporin: “Israiroꞌsa noꞌtën ira quëpatohuato, huiristinoꞌsa parti cancoanpi. Canconpachinaꞌ, huiristino sontaroꞌsari yaahuëapon. Ina tëꞌhuatatonaꞌ, Iquipitoquë chachin paꞌmantahuachinaꞌ,” tënin. Ina yonquiaton co ina irataquëchin quëparinhuëꞌ.

¹⁸ Ichipëshonahuaton, conicaiso marëꞌ Quëhuaiꞌ marë parti quëparin. Inotëro parti ira paꞌninso paꞌtopi. Sontaroꞌsa pochin, israiroꞌsa Iquipito quëran pipipi.

¹⁹ Yapipipona pochin, Moisësëri aꞌnara camairin Cosi nansëquën quëpacaso marëꞌ. Inaso iráca coꞌhuara chimiyantëraponhuëꞌ, iinpita shaꞌhuitërin: “Tëhuënchachin aꞌna tahuëri catahuainpoaso marëꞌ Yosë oꞌmararin. Ina nanihuachin, nansënëhuëpita Canan parti quëpamaso yaꞌhuërin,” itërin. Iinpitari naporo aꞌpanipi niꞌton, shinpitari quëparapi huachi.

²⁰ Israiroꞌsasoꞌ, Socoto parti quëran pipirahuatonaꞌ, Itan ninanoaꞌhuaquë canconpi. Canconahuatonaꞌ, inaquë chinotopi. Ina ninanoaꞌhua quëran huarëꞌ, inotëro parti caniaritërin.

^21-22 Yosëri israiroꞌsa co piꞌpian tëranta patërinhuëꞌ. Tahuëri nipachina, chitoro naporopi nininso quëchitërarin. Tashi nipachinantaꞌ, ina chitoro chachin pën pochin huënarataton pacacaiso aꞌnotërarin. Napoaton onpohuachina, tashirë chachin noya paꞌpi.