2 Samuel 23 - Chayahuita (Shahui)

Tiquinamën canta Tapi ocoirinsoꞌ

¹ Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

² Sinioro ispiritonën cá quëran nontarinquëmaꞌ. Noninso chachin apira shaꞌhuitaranquëmaꞌ.

³ Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

⁴ Ina pochin nipachin, tahuëririarinso pochin piyapiꞌsa catahuapon. Noyahuanquë piꞌi aꞌpininso pochin catahuatapon. Oꞌnan mëꞌtahuachina, panpatoro noya paporin. Ina pochin noya copirnoso catahuatapon,’ tënin.

⁵ Napoaton cá quëran pipipisopitasoꞌ, Yosëri catahuarápon. Nani ina marëꞌ inarëꞌco anoyatomiatërahuë. Inaora chachin nanan yocaton co nonpintarincohuëꞌ. Ina nohuanton yaꞌipi inimicoroꞌsa minsërahuë. Yaꞌipi nohuantërahuësoꞌ natanpatëra, acotërinco. Ina chachin aꞌna tahuërinta nitáponco.

^6-7 Co noyahuëꞌ nipisopitaso nipirinhuëꞌ, Yosëri ataꞌhuantapon. Inapitasoꞌ aꞌtën shihuarin co quëꞌyarësohuë pochin nicaponaꞌ. Inasoꞌ yainquihuatëra, co topinan paaparëhuëꞌ. Sahuënirëꞌquënpo chachin paaparëꞌ. Piꞌquirahuatë sonamënquë imorëꞌ. Yanipachina aꞌpëhuatëra, noyá huëyarin huachi,” tënin Tapi cantaton.

^8-39 (-)