Salmos 137 - Kashibo-Kakataibo Biblia

Babilonia baka ꞌurama tsótax masá nuituti ꞌia ñuikë bana

¹ Anu nu ꞌikë Babilonia anuax kananuna anu ꞌikë bakakama ꞌurama tsótax, masá nuitukin Jerusalén sinani iankën.

² Álamos kakë ëma rapasu ꞌikë i aín pëñanu kananuna nun arpakama bëntankën.

³ Anuxun ka an nu bibiankin uankë suntárukama, ꞌimainun kamabi an nu bibiankin uankë unikama atúnribi, kuëëni kantanun kixun nu kakëxa; ¡Kakin ka nun me Jerusalén sinani kantanun kixun nukama kakëxa!

⁴ ¿Usa ꞌaish karanuna Nukën ꞌIbu Dios, rabi bëtsi menuax kantati ꞌain? ¡Karanuna kantatima ꞌain!

⁵ ¡Jerusalén, ꞌëx mimi manukë ꞌain, ka ꞌën mëkën anun ñu mëëtisama ꞌaisama ꞌinun ꞌë ꞌimikëma ꞌain!

⁶ ¡ꞌIanan ka ꞌën anaribi ꞌën manxántami, takáshki mi sinánkëbëma ꞌiti ꞌikën, usa ꞌain kananuna ꞌitsaira kuëëni Jerusalén ami sinani manuti ꞌain!

⁷ Nukën ꞌIbu Dios edomita unikamax, Jerusalén ami nishkë unikaman ꞌakëbë ësai kia, a kamina sinánti ꞌain: ¡A ëma ka ami birukian ꞌa akama rurupakin ꞌakin këñuti ꞌikën!

⁸ ¡Babilonianu ꞌikë unikama mitsúxribi kamina këñúkë ꞌinuxun ꞌain! ¡Chuámarua ka an nu ꞌasaribiokin nunun rabanan kupikin uisakara oisatania usokin mi ꞌakë ax ꞌiti ꞌikën!

⁹ ¡Chuámarua ka an mitsun bakë bëchikëkama, anun ëma kënëara ami bixun rëkë unikama atux ꞌiti ꞌikën!