Һошеяғ 3 - Башкирский ВЗ (неполный)

Һошеяғ һәм уның хыянатсыл ҡатыны

¹ Раббы миңә: – Башҡа бер ир менән уйнаш иткән ҡатыныңды әүәлгесә ярата бир – бүтән илаһтарға табынып, уларға саҙаҡа итеп килтерелгән йөҙөм көлсәләрен үҙ иткән Исраил халҡын Раббы ла шулай ярата, – тине.

² Шулай итеп, мин уны ун биш шекел көмөш һәм бер ярым хомер арпа түләп һатып алдым да:

³ – Миндә әле оҙаҡ йәшәрһең, тик уйнаш итмә, башҡа ир менән булып зина ҡылма – шул саҡ мин һинеке булырмын, – тинем.

⁴ Был Исраил халҡы оҙаҡ ваҡыт батшаһыҙ һәм башлыҡһыҙ, ҡорбанһыҙ һәм табыныу бағаналарыһыҙ, эфодһыҙ һәм йорт илаһтарыһыҙ йәшәйәсәк тигәнде аңлата.

⁵ Шунан Исраил халҡы боролоп үҙҙәренең Аллаһы Раббыны, батшалары Дауытты эҙләйәсәк, Раббы һәм уның игелектәре алдында тетрәнеп киләсәктә Уға әйләнеп ҡайтасаҡ.