Псалманууд 24 - Бурятский Библия. Отдельные книги Ветхого Завета1 [Давидай псалма.] 1 [Давидай псалма.] Дэлхэй болон тэрээн дээрэ байгааша хамаг зүйл, юртэмсэ ба тэрээн соо амидарагша бүхы хүн, амитад — Эзэнэй юм. 2 Далайнууд дээгүүр һууриинь Тэрэ табяа, гүнзэгы уһан дээгүүр байгуулаа. 3 Эзэнэй хада өөдэ хэн гаража болохоб? Нангин үргөө соонь хэн зогсохоб? 4 Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн! 5 Иимэ хүниие Эзэн үреэхэ, Абарагша Бурханиинь үршөөхэ. 6 Иимэл зон Бурханай урда ерэдэг, Яковой Бурханай хажууда оршодог. [Хүгжэм] 7 Бартаанууд, хүхин баясыта! Урданай үүдэнүүд, нээгдыта! Һүр жабахаланта Хаан орожо ерэхэ! 8 Һүр жабхаланта Хаан гээшэ хэн бэлэй? Хүсэтэй, шадалтай Эзэн, дайнай баатар Эзэн мүн! 9 Бартаанууд, хүхин баясыта! Урданай үүдэнүүд, нээгдыта! Һүр жабахаланта Хаан орожо ерэхэ! 10 Һүр жабхаланта Хаан гээшэ хэн бэлэй? Түмэн Сэрэгтэ Эзэн гээшэ Һүр жабахаланта Хаан мүн! |
© Bible Society in Russia, 2002-2007, 2011, 2013, 2018.
Bible Society in Russia