Псалманууд 107 - Библи

¹ [Дуун. Давидай псалма.]

² Бурхан, зүрхэмни Тандаал үнэн сэхэ. Дуу дуулахаб, магтаал татахаб! Сэдьхэлни!

³ Ятага, морин хуур, һэриит! Би үүрэй толониие һэреэхэб.

⁴ Эзэн, арадуудай дунда Таниие алдаршуулхаб, бүхы обогуудай дунда Таниие магтан байхаб.

⁵ Юуб гэбэл, энэрэл хайратнай тэнгэриһээ дээгүүр, үнэн сэхэтнай – үүлэ тулама.

⁶ Бурхан, огторгойһоо дээгүүр үргэмжэлэгдыт, бүхы дэлхэй дээгүүр алдар солотнай нэрьег лэ!

⁷ Танда хайратай зоной амиды мэндэ үлэхын тула баруун гараараа тэдэниие абарыт! Маанадта харюу үгыт!

⁸ Бурхан нангин үргөөдөө иигэжэ айладхаа: «Угаа баярлан, Шэхээмые хубаахаб, Суккоот нюруугай газар хэмжэхэб.

⁹ Галаад – Минии, Мэнашшээ – Минии, Эпрааим – толгоймни дуулга, Иуда – Минии баяг.

¹⁰ Моһааб – угаалгын һабамни, Эдоом руу гуталаа шэдэхэб. Пилиштын дээгүүр шангаар хашхархаб!»

¹¹ Хэн намайе бүхэлэгдэһэн хото руу оруулхаб? Хэн намайе Эдоом руу дахуулан абаашахаб?

¹² Бурхан, Та бидэнһээ буруу хараат, сэрэгтэймнай хамта байлдаанда гаранагүйт!

¹³ Хашагдаад байһан үедэмнай туһалыт, зондо найдаха гээшэ худал.

¹⁴ Бурханай туһаламжаар илахабди, Тэрэ дайсадымнай диилэхэ.