1 Угай бэшэг 7 - Библи

Иссахаарай үри һадаһад

¹ Иссахаарай хүбүүд: Толаа, Пуһаа, Яшууб, Шимроон дүрбэн.

² Толаагай хүбүүд: Үззии, Рэпаяа, Ериһээл, Яхмай, Ибсаам, Шэмүһээл, онсонь Толаагай уг соо дайшалхы абари зантай хүнүүд олон байһан; Давидай үедэ тэдэнэй тоо хорин хоёр мянган зургаан зуун байһан.

³ Үззиин хүбүүн Израахия; Израахиягай хүбүүд: Михаээл, Обадияа, Ёһээл болон Ишшияа табан байгаа. Тэдэнэр бултадаа ахамад дарганууд һэн.

⁴ Тэдэнэр бултадаа олон һамгадтай, олон хүбүүдтэй тула отогойнгоо хүнүүдтэй хамта дайн байлдаанда хабаадаха сэрэгшэдынь гушан зургаан мянганда хүрэдэг байгаа.

⁵ Угай бэшэгээр Иссахаарай обогой дайшалхы аха, дүүнэр наян долоон мянганда хүрэдэг һэн.

Бэньямиинэй үри һадаһад

⁶ Бэньямиин гурбан хүбүүтэй байгаа: Бээла, Бээхэр, Едиаһээл.

⁷ Бээлын хүбүүд: Эцбоон, Үззии, Үззиһээл, Еримоот ба Ирии хамтадаа табан, үе үеынгөө толгойлогшонор, бултадаа дайшалхы шадабаританууд байһан. Тэдэнэр угай бэшэгтэ хорин хоёр мянган гушан дүрбэн гээд бэшэгдэнхэй.

⁸ Бээхэрэй хүбүүд: Зэмираа, Ёһааш, Элиээзэр, Эльйоэнай, Омрии, Ерэмоот, Абияа, Анатоот ба Алэмээт. Эдэ бултадаа Бээхэрэй хүбүүд мүн.

⁹ Угай бэшэгтэ отогойнгоо, үе үеынгөө толгойлогшонортой бэшэгдэхэдээ, хорин мянган хоёр зуун дайшалхы шадабаритан гээд заагданхай.

¹⁰ Едиаһээлэй хүбүүн Билһаан. Билһаанай хүбүүд: Еһүүш, Бэньямиин, Эһууд, Хэнаанаа, Зэтаан, Таршииш, Ахишаахар.

¹¹ Едиаһээлэй эдэ хүбүүд обог омогуудаа толгойлһон дайшахы шадабаритай эрэшүүл байһан; дайнда орохо арбан долоон мянган хоёр зуун болодог һэн.

¹² Иирэй хүбүүд Шүппиим ба Хуппиим. Ахээрэй хүбүүн Хушиим.

Напталиигай үри һадаһад

¹³ Напталиигай хүбүүд: Яхциһээл, Гунии, Еэцэр, Шаллуум, эдэ Билһаагай үхибүүд.

Мэнашшээгэй үри һадаһад

¹⁴ Мэнашшээгэй хүбүүд: араамай арадһаа гарбалтай тэрэнэй бага һамганһаа гараһан Асриээл; тэрэ Галаадай эсэгэ болохо Махиирые түрөө.

¹⁵ Махиир Хуппиим ба Шүппиим хоёрой эгэшэ Маһахаае һамган болгожо абаа; хоёрдохинь Цэлопэһаад нэрэтэй. Цэлопэһаад басагадые гаргаа.

¹⁶ Махиирай һамган Маһахаа хүбүү түрэжэ, тэрээнээ Пээрэш гээд нэрлэбэ, харин дүүгэйнь нэрэ Шээрэш. Тэрэнэй хүбүүд: Улаам, Рээкэм.

¹⁷ Улаамай хүбүүн Бэдаан. Махиирай хүбүүн, Мэнашшээгэй хүбүүн – эдэ Галаадай хүбүүд мүн.

¹⁸ Тэрэнэй эгэшэ Молээхэт Ишһоодые, Абиээзэрые, Маһлаае түрөө.

¹⁹ Шэмидаагай хүбүүд: Ахиһаан, Шэхээм, Ликхии ба Аниһаам.

Эпрааимай үри һадаһад

²⁰ Эпрааимай хүбүүд: Шүтэлаа, тэрэнэй хүбүүн Бээрэд, Бээрэдэй хүбүүн Таахат, Таахадай хүбүүн Эладаа, Эладаагай хүбүүн Таахат,

²¹ тэрэнэй хүбүүн Забаад, Забаадай хүбүүд Шүтэлаа, Ээзэр, Элаад. Тэдэ хүбүүдэй тэрэ газарта ажаһуудаг хүнүүдэй үхэр мал хүсөөр эзэмдэхэеэ һанахадань, Гаадай хүнүүд тэдэниие алаа һэн.

²² Тэдэнэй эсэгэ Эпрааим хүбүүдээ ехээр шаналан, олон үндэрэй туршада уй-хай табин, гашуудалда абтаба, аха, дүүнэрынь олоороо ерэжэ, һанааень заһан тайбшаруулба.

²³ Удаань тэрэ һамгантаяа унтаба. Һамганиинь хээлитэй болоод, хүбүү түрэбэ, эсэгэнь энэ хүбүүгээ Бэрияа гээд нэрлэбэ, энэнь тэрэнэй гэртэ уйдхар тохёолдоо гэһэн удхатай юм.

²⁴ Тэрэ Шээра гэжэ басагатай һэн. Тэрэнь доодо ба дээдэ Бэт-Һороон ба Үззээн-Шэһэраа гээшэдые байгуулһан түүхэтэй.

²⁵ Тэрэнэй хүбүүн Рээпаа, мүн Рээшэп, ба тэрэнэй хүбүүн Тээлах, мүн тэрэнэй хүбүүн Таахан,

²⁶ тэрэнэй хүбүүн Лаадан, тэрэнэй хүбүүн Аммиһүүд, тэрэнэй хүбүүн Элишамаа,

²⁷ тэрэнэй хүбүүн Нүүн, тэрэнэй хүбүүн Иисүүс.

²⁸ Тэрэнэй эзэлжэ ба ажаһууһан газарынь иимэ байгаа: Бэт-Ээл ба тэрээндэ мэдэлтэй хотонууд: Нааранһаа зүүлжээ Гээзэрһээ баруулжа, тэрээндэ мэдэлтэй хотонууд; Шэхээм ба Айяа хүрэтэр мэдэлтэй хотонуудынь.

²⁹ Мэнашшээгэй хүбүүдтэ мэдэлтэй хотонууд: Бэт-Шэһаан, Таанаах, Мэгиддоо, Доор гэхэ мэтэ болоно. Израилиин Иосифой хүбүүд тэндэ ажаһуугаа.

Ашээрэй үри һадаһад

³⁰ Ашээрэй хүбүүд: Имнаа, Ишваа, Ишвии ба Бэрияа, мүн тэдэнэй эгэшэ Сээраа.

³¹ Бэрияагай хүбүүд: Хээбэр ба Малхиһээл. Тэрэ Бирзайһиитын эсэгэ.

³² Яплээдэй, Шээмэрэй, Хотаамай, мүн тэдэнэй эгэшэ Шуһаагай эсэгэ Хээбэр мүн.

³³ Яплээдэй хүбүүд: Пасаах, Бимһаал Ашваат. Эдэнэр Яплээдэй хүбүүд мүн.

³⁴ Шээмэрэй хүбүүд: Ахии Рохгаа, Хуббаа ба Араам.

³⁵ Тэдэнэй дүү Һээлэмэй хүбүүд: Цопаах, Имнаа, Шээлэш ба Амаал.

³⁶ Цопаахай хүбүүд: Сууһаа, Харнээпэр, Шуһаал, Бэрии, Имраа,

³⁷ Бээцэр, Һоод, Шаммаа, Шилшаа, Итраан ба Бээрэ.

³⁸ Етээрэй хүбүүд: Епуннээ, Писпаа ба Араа.

³⁹ Уллаагай хүбүүд: Араах, Ханниһээл, Рицияа.

⁴⁰ Ашээрэй эдэ хүбүүд бултадаа отогойнгоо гулбаанууд, шэлдэг бэетэй эрэшүүл, сэрэгшэд, сэрэгэй ахамад тушаалтайнууд. Угай бэшэгэй ёһоор дайн байлдаанда хабаадаха шадалтай хорин зургаан мянган хүн гээд бэшэгдэнхэй.