1 Угай бэшэг 6 - Библи

Левиин үри һадаһад

¹ Левиин хүбүүд: Гэршоон, Кэһаат, Мэрарии;

² Кэһаадай хүбүүд: Амраам, Ицһаар, Хэброон, Үззиһээл;

³ Амраамай үхибүүд: Аһароон, Моисей, Мириам. Аһороной хүбүүд: Надааб, Абиһуу, Эльазаар, Итамаар;

⁴ Эльазаарай хүбүүн Пинэһаас, Пинэһаасай хүбүүн Абишууа;

⁵ Абишууагай хүбүүн Букки, Буккиин хүбүүн Үззии;

⁶ Үззиин хүбүүн Зэраахияа, Зэраахияагай хүбүүн Мэрайһоот;

⁷ Мэрайһоодой хүбүүн Амарияа, Амарияагай хүбүүн Ахитууб;

⁸ Ахитуубай хүбүүн Цадоок, Цадоогой хүбүүн Ахимаац;

⁹ Ахимаацай хүбүүн Азаарияа, Азаарияагай хүбүүн Ёханаан;

¹⁰ Ёханаанай хүбүүн Азаарияа, тэрэ Иерусалимда Соломооной бариһан Һүмэдэ санаартан байгаа.

¹¹ Азаарияагай хүбүүн Амарияа, Амарияагай хүбүүн Ахитууб;

¹² Ахитуубай хүбүүн Цадоок, Цадоогой хүбүүн Шаллуум;

¹³ Шаллуумай хүбүүн Хилкияа, Хилкияагай хүбүүн Азаарияа;

¹⁴ Азаарияагай хүбүүн Сэраяа, Сэраяагай хүбүүн Ёцадаак;

¹⁵ Навуходоносорой гараар Эзэнэй Иудын, Иерусалимай зониие нүүлгэхэ үедэ Ёцадаак баряанда туугдан абтаа һэн.

¹⁶ Левиин хүбүүд: Гэршоом, Кэһаат, Мэрарии;

¹⁷ Гэршоомой хүбүүдэй нэрэнүүд: Либнии ба Шимэй.

¹⁸ Кэһаадай хүбүүд: Амраам, Ицһаар, Хэброон, Үззиһээл;

¹⁹ Мэрариин хүбүүд: Маһлии ба Мушии. Левийһээ үдэн гараһан уг унгинууд ба тэдэнэй үбгэ эсэгэнэр.

²⁰ Гэршоомой уг: тэрэнэй хүбүүн Либнии; Либниигэй хүбүүн Яахат; Яахадай хүбүүн Зиммаа;

²¹ Зиммаагай хүбүүн Ёһаа, Ёһаагай хүбүүн Иддоо, Иддоогой хүбүүн Зээрах, Зээрахай хүбүүн Еһатэрай.

²² Кэһаадай үринэр: тэрэнэй хүбүүн Амминадааб, Амминадаабай хүбүүн Коорах, Коорахай хүбүүн Ассиир;

²³ Ассиирэй хүбүүн Элканаа, Элканаагай хүбүүн Эбиасаап, Эбиасаапай хүбүүн Ассиир;

²⁴ Ассиирэй хүбүүн Таахат, Таахадай хүбүүн Үриһээл, Үриһээлэй хүбүүн Уззияа, Уззияагай хүбүүн Саул.

²⁵ Элканаагай хүбүүд: Амасай ба Ахимоот.

²⁶ Ахимодой хүбүүн Элканаа, Элканаагай хүбүүн Цопай, Цопайн хүбүүн Наахат;

²⁷ Нахадай хүбүүн Элиааб; Элиаабай хүбүүн Ероһаам, Ероһаамай хүбүүн Элканаа;

²⁸ Самуилай хүбүүд: ууган хүбүүн Ёһээл, хоёрдохинь Абияа.

²⁹ Мэрариин үринэр: Маһлии, тэрэнэй хүбүүн Либнии, Либниигэй хүбүүн Шимэй, Шимэйн хүбүүн Уззаа;

³⁰ Уззаагай хүбүүн Шимаа, Шимаагай хүбүүн Хаггияа, Хаггияагай хүбүүн Асайяа.

³¹ Эзэнэй Һүмэ соо ханзын табигдаһан сагһаа хойшо дуушадай ударидагшаар Давидай табиһан хүнүүд эдэ мүн.

³² Иерусалимда Соломооной Эзэнэй Һүмэ бодхоохын урда тэдэнэр Уулзалгын майхан һүмын урда дуушадаар алба хэдэг байгаа. Тэдэнэр өөрын онсо заабаряар албаяа ябуулдаг байһан.

³³ Алба ябуулагшад ба тэдэнэй хүбүүд гэбэл, Кэһаадай үри һадаһад сооһоо Ёһээлэй хүбүүн, дуушан Һэмаан бэлэй. Ёһээлэй эсэгэ Самуил,

³⁴ Самуилай эсэгэ Элканаа, Элканаагай эсэгэ Ероһаам, Ероһаамай эсэгэ Элиээл, Элиээлэй эсэгэ Тооһаа,

³⁵ Тооһаагай эсэгэ Цүүп, Цүүпэй эсэгэ Элканаа, Элканаагай эсэгэ Махаат, Махаадай эсэгэ Амасай,

³⁶ Амасайн эсэгэ Элканаа, Элканаагай эсэгэ Ёһээл, Ёһээлэй эсэгэ Азаарияа, Азаарияагай эсэгэ Цэпаанияа,

³⁷ Цэпаанияагай эсэгэ Таахат, Таахадай эсэгэ Ассиир, Ассиирэй эсэгэ Эбиасаап, Эбиасаапай эсэгэ Коорах,

³⁸ Коорахай эсэгэ Ицһаар, Ицһаарай эсэгэ Кэһаат, Кэһаадай эсэгэ Леви, Левиин эсэгэ Израиль.

³⁹ Һэмаанай баруун талада зогсогшо аха дүү гэбэл, Асаап. Асаапай эсэгэ Бэрэхияа, Бэрэхияагай эсэгэ Шимаа,

⁴⁰ Шимаагай эсэгэ Михаээл, Михаээлэй эсэгэ Баасэйа, Баасэйагай эсэгэ Маалхияа,

⁴¹ Маалхияагай эсэгэ Этнии, Этниигэй эсэгэ Зээрах, Зээрахай эсэгэ Адаяа,

⁴² Адаяагай эсэгэ Этаан, Этаанай эсэгэ Зиммаа, Зиммаагай эсэгэ Шимэй,

⁴³ Шимэйн эсэгэ Яахат, Яахадай эсэгэ Гэршоом, Гэршоомой эсэгэ Левий болоно.

⁴⁴ Мэрариин үринэр, Һэмаанай зүүн талада зогсоошо аха дүү гэбэл, Этаан бэлэй. Этаан Кишиин хүбүүн, Кишии Авдиин, Авдии Маллуухай,

⁴⁵ Маллуух Хашаабияагай, Хашаабияа Амацияагай, Амацияа Хилкияагай,

⁴⁶ Хилкияа Амциин, Амции Баниин, Бании Шээмэрэй,

⁴⁷ Шээмэр Маһлиин, Маһлии Мушиигай, Мушии Мэрариин, Мэрарии Левиин хүбүүн.

⁴⁸ Тэдэнэй аха, дүүнэр левидүүд Бурханай майхан гэртэ элдэб албангуудта томилогдоһон юм.

⁴⁹ Израилиин алишье талаһаа арюун сэбэр байлгые Бурханай богоол Моисейн заабарилһанай ёһоор, Аһароон болон тэрэнэй хүбүүд Хамагай Нангин газарта элдэб мүргэлнүүдые бүтээхэһээ гадна, түгэс шатаалта үргэлэй шэрээ дээрэ тахилай үргэл шатаадаг, уталгын шэрээ дээрэ сан санзай ууюулдаг, мүн бэшэшье үргэлнүүдые бэелүүлдэг байгаа.

⁵⁰ Аһарооной үри һадаһад: Эльазаар; тэрэнэй хүбүүн Пинэһаас; Пинэһаасай хүбүүн Абишууа;

⁵¹ Абишууагай хүбүүн Букки; Буккиин хүбүүн Уззи; Үззиин хүбүүн Зэраахияа;

⁵² Зэраахияагай хүбүүн Мэрайһоот; Мэрайһоодой хүбүүн Амарияа; Амарияагай хүбүүн Ахитууб;

⁵³ Ахитуубай хүбүүн Цадоок; Цадоогой хүбүүн Ахимаац мүн.

⁵⁴ Тэдэнэй мэдэлэй һуурин тосхонуудай байра байдал Кэһаадай угай Аһарооной хүбүүдтэ жээрэбэй гуримаар үгтөө,

⁵⁵ Иудын газартахи Хэброониие, мүн тэрэнэй хажуудахи хүдөө нютагуудые мэдэлдэнь үгөө;

⁵⁶ Епуннээгэй хүбүүн Халээбтэ энэ хото, мүн хажуудахи тосхонуудые газартайнь үгэбэ.

⁵⁷ Аһарооной хүбүүдтэ иимэ хотонууд үгтөө: Хэброон, Либнаа, мүн Яттиир, Эштэмооһа хотонуудай хажуудахи тосхонууд газартайгаар,

⁵⁸ Хилээз, Дэбиир хотонууд тосхонуудтайгаар,

⁵⁹ Ашаан болон Бэт-Шээмэш хотонууд хажуудахи нютагуудтайгаар,

⁶⁰ харин Бэньямиинэй обогһоо Гээбэ хотые тосхонуудтайгаарнь, Алэмээт хотые тосхонуудтайгаарнь, Анатоот хотые тосхонуудтайгаарнь тэдэнэй мэдэлдэ үгөө: тэдэнэй отог зоной мэдэлдэ байһан хотонууд бүхыдөө арбан гурбан болоо.

⁶¹ Мэнашшээгэй обогой хахадһаа арбан хото Кэһаадай угай бусад хүбүүдтэ жээрэбэй ёһоор үгтэбэ.

⁶² Иссахаарай, Ашээрэй, Напталиигай, Башаанда һуудаг Мэнашшээгэй обогуудһаа Гэршоомой хүбүүдэй бүлэнүүдтэ арбан гурбан хото үгтөө.

⁶³ Рэүбээнэй, Гаадай болон Зэбүлүүнэй обогуудһаа арбан хоёр хото Мэрариин хүбүүдэй бүхы бүлэнүүдтэ жээрэбэй ёһоор үгтөө.

⁶⁴ Израильшууд иигэжэ левидүүдтэ хото һууринуудые тойроод байгааша бэлшээритэйнь үгөө болоно.

⁶⁵ Иигэжэ тэдэнэр эдэ дээрэ нэрлэгдэһэн хотонуудые тосхонуудтайгаарнь Бэньямиинэй, Симеоной, Иудын отогуудһаа жээрэбэй ёһоор таһалан үгөө.

⁶⁶ Эпрааимай обогһоо Кэһаадай зарим хүбүүдтэ хотонууд таһалагдан үгтөө.

⁶⁷ Тэдэнэртэ үгтэһэн хотонууд гэбэл: Шэхээм хото Эпрааимай хада дээрэхи тосхонуудтайгаар, Гээзэр хото тосхонуудтайгаар,

⁶⁸ Ёкмэһаам, Бэт-Һороон бэлшээри газартайгаарнь,

⁶⁹ Аялоон, Гаат-Риммоон хотонууд бэлшээриин газартайгаарнь;

⁷⁰ Мэнашшээгэй обогой хахад зоной газарһаа Анээр, Балаһаамые тосхонуудтайгаар таһалагдаа; Кэһаадай эсэгын зарим хүбүүдтэ энэ хабаатай.

⁷¹ Гэршоомой хүбүүдтэ Мэнашшээгэй изагуурай хахадһаань Башаандахи Голаан тосхонуудтайгаарнь, мүн Аштароот тосхонуудтайгаар үгтөө.

⁷² Иссахаарай обогһоо Кээдэш тосхонуудтайгаарнь, Дабэраат хажуудахи тосхонуудтайгаар,

⁷³ мүн Рамоот болон Анээм тосхонуудтайгаар;

⁷⁴ Ашээрэй обогһоо Машаал, Абдоон тосхонуудтайгаар,

⁷⁵ Хуккоок болон Рэһооб тосхонуудтайгаар;

⁷⁶ Напталиигай обогһоо Галилейдэхи Кээдэш тосхонуудтайгаар, Хаммоон, Кириатааим тосхонуудтайгаар үгтөө.

⁷⁷ Харин Мэрариин бусад хүбүүдтэ Зэбүлүүнэй обогһоо Риммоон болон Табоор хотонууд тосхонуудтайгаар үгтөө.

⁷⁸ Рэүбээнэй обогһоо сүл губида оршодог Бээцэр тосхонуудтайгаар, Яаһцаа тосхонуудтайгаар; Иорданай таладахи Ерихооной шанха урдахи мүн Иорданһаа зүүлжээ нэмжыһэн дайда;

⁷⁹ мүн Кэдэмоот болон Мэпаат хотонууд тосхонуудтайгаар;

⁸⁰ Гаадай обогһоо Галаадтахи Рамоот, Маханааим тосхонуудтайгаар;

⁸¹ мүн Хэшбоон, Язээр тосхонуудтайгаар үгтөө.