1 Угай бэшэг 20 - Библи

Давид Раббаа хотые эзэлээ

¹ Хабарай эхеэр, хаашуулай дайнда мордодог үедэ, Ёһааб сэрэгтэеэ аммоонуудай газар нютаг хооһоруулаад, Раббаае бүһэлбэ. Давид өөрөө Иерусалимда үлөөд байгаа. Ёһааб Раббаа руу орожо, хотые усадхаба.

² Хаанайнь толгойһоо титимыень Давид абаба. Титим хадаа нэгэ талаант алтаар бүтээгдэһэн, үнэтэ шулуутай бэлэй. Давид тэрэниие өөрынгөө толгой дээрэ табиба. Тэрэ мүн лэ угаа ехэ олзо хотоһоо гарган абаа һэн.

³ Давид хотын улад зониие баряанда абан тууба, хотые хюрөөгөөр, түмэр хурса зэмсэгээр, түмэр һүхөөр һандаргаба. Аммоонуудай бүхы хотонуудта тэрэ иимээр хандаа һэн. Энээнэй удаа Давид бүхы сэрэгтэеэ хамта Иерусалим руу бусаа һэн.

Пилиштүүдтэй тулалдаан

⁴ Тэрэнэй удаа Гээзэртэ пилиштүүдтэй үшөө нэгэ байлдаан болоо. Хушаа нютагтай Сиббэхай тиихэдэ рэпаиимүүдэй үри һадаһан болохо абарга томо бэетэй Сааф гэгшые алаа. Пилиштүүд иигэжэ дарагдаа бэлэй.

⁵ Дахяад пилиштүүдтэй үшөө ондоо тулалдаан боложо, Яһиир-Орэгиимэй хүбүүн Элханаан Гаадай хүн Голиафай Лахмии гэжэ дүүе хюдан алаба. Голиафай жадын эшэ нэхэмэлшэдэй годоо модон мэтэ бүдүүн һэн.

⁶ Гаадта дахин тулалдаанай болоходо, гар, хүлдөө зургаан хургатай, бүхыдөө хорин дүрбэн хургатай, баһал Рэпаиимэй уг гарбалтай абарга бэетэй эрэ хүн тэндэ байба.

⁷ Тэрэнэй израильшуудые доромжолон баһахада, Давидай аха Шимаагай хүбүүн Ёнатаан тэрэниие хюдан алаа һэн

⁸ Эдэнэр хадаа Гаадта һууһан Рэпаиимэй уг гарбалтай зон байгаа, Давидта болон тэрэнэй хүнүүдтэ алуулаа.