Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

NG'ANG'UTYET 21 - BUKUIT NE TILIL


Kipsengwet ne leel ak ng’ony ne leel

1 Ak kiageer kipsengwet ne leel ak ng’ony ne leel: amu kigosiirto kipsengwet ne bo tai ak ng’onyut ne bo tai; ama komi nyanjet kogeny.

2 Ak kiageer nganaset ne tilil, Jerusalem ne leel, kochorugei eng’ kipsengwet kobunu Jehovah, ko kagechob ko u mureret ne kagelelesonjinechi manong’otiondennyi.

3 Ak kiagas kutit ne o komong’une ng’echeretab laitornatet kole, Ogeero, mi emaitab Jehovah ak bik, ak kotebyei koboto ichek, ak koek ichek bikyik, ak kotebyei Jehovah inendet ak ichek, ak koek Jehovah nenywa:

4 ak kous inendet beekab kong’ alak tugul eng’ konyekwak; ama komi meet kogeny; ama komi kateiyet kogeny, anan rirek, anan ng’wanindo; kogosiirto tuguk che bo tai.

5 Ak kimwa inendet ne tebe ng’echeretab laitornatet, kole, Ogeero, ayae tuguk tugul koleelagitu. Ak kile, Sir: amu ng’alechu ko che kiyani ak ko bo iman.

6 Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

7 Inendet ne iterteri konamei tuguchu; ak aegu Jehovah nenyi, ak koek inendet werinnyu.

8 Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.


Jerusalem ne bo kipsengwet

9 Ak kinyo age eng’ malaikaisiechoto tisab che kitinyei tabok tisab, che ki nyiitotin korotwek tisabu che bo let; ak kong’alalwa, kole, Nyo yu, si aborun mureret, osotiotab Aruet.

10 Ak kiimuta eng’ Tamirmiriet agoi tulwet ne o ak ko koi, ak kiiborua nganaset ne tilil Jerusalem, kochorugei eng’ kipsengwet kobunu Jehovah,

11 kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

12 ne tinyei irimet ne o ak ko koi; ak kotinyei kurgotik taman ak aeng’, ak mi ormarichochoto malaikaisiek tamanu ak aeng’; ak kigisirji kainaik, choto bo ortinwek taman ak aeng’ che bo lagokab Israel:

13 kimi komostab kong’asis kurgotik somogu; ak kimi komostab murot ne bo katam kurgotik somogu; ak kimi komostab murot ne bo tai kurgotik somogu; ak kimi komostab cherongo kurgotik somogu.

14 Ak kitinyei irimetab nganaset lumeiywek taman ak aeng’, ak kimi kainaik tamanu ak aeng’ che bo che kiyoktoi taman ak aeng’ che bo Aruet.

15 Ak kitinyei inendet ne king’alalwa tegat ne bo tahabu si kokwae nganaset, ak kurgotikyik, ak irimennyi.

16 Ak kiaechin irimosiek tugul ang’wanu che bo nganaset, ak kiaechin koindanyi ak tebeesindo: ak kiikwae nganaset tegandanato, koek maelisiek elfut agenge ak bogol mut: koindanyi ak tebeesindanyi ak koindanyi ne wendi barak koaechin.

17 Ak kiikwa irimennyi, ak kiek kakwautikab eut bogol ak artam ak ang’wan, eng’ kakwaetab chito, noto ko ne bo malaikaiyat.

18 Ak kigiteege jasipi irimennyi: ak ki tahabu che tililen nganaset, ko u glasit ne tilil.

19 Ak kigilelesonji lumeiywekab irimet ne bo nganaset eng’ koik alak tugul che bo kamanutiet ne o. Lumeiywot ne bo tai ko ki jasipi; ne bo aeng’ ko sapire; ne bo somok ko kalkedo; ne bo ang’wan ko sumaragdo;

20 ne bo mut ko sardonukso; ne bo lo ko sardio; ne bo tisab ko krusolito; ne bo sisiit ko berulo; ne bo sogol ko topasio; ne bo taman ko krusopraso; ne bo taman ak agenge ko huakinto; ne bo taman ak aeng’ ko ametusto.

21 Ak kurgotik taman ak aeng’ ko ki sonoek taman ak aeng’ che kororon; age tugul eng’ kurgotik ko ki bo sonoiyat agenge: ak ki tahabu che tililen oretab nganaset, ko u glasit ne sengelel.

22 Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

23 Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

24 Ak kobendoti bororiosiek eng’ lapkeiyennyi: ak koibu laitorinikab ng’ony torornatenywa konyo orit.

25 Amagoi kiger kurgotikyik bet (amu mami kemout oloto):

26 ak ibu ichek torornatet ak teegistab bororiosiek kobwa orit:

27 ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

God's word open for all

©Bible Society of Kenya, 2020

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ