Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

MIKAH 3 - BUKUIT NE TILIL


Bounik che ma miachen ak maotik che ma bo imam

1 Kiamwa ale, Ogaso, asomok okwek kandoikab Jakobo, ak bounikab gotab Israel: tos manyoljok onai kiruoget?

2 Che oweche mieindo ak ochame yaitiet; che onemu irirenikwak koboto banyekwak eng’ kowekwak;

3 che amei kogeny banyekab bikyuk; ak koenyei irirenikwak, ak koiri kowekwak: ee, tonatoni, ko u che kindoi teret, ak ko u banyek che kiyoi eng’ saburiet.

4 Ye ibata korirji Jehovah, ago mawoljin: ee, ung’e togennyi ichek eng’ betusiechoto, ko u ye kiyai yaitiet eng’ boisionikwak.

5 Mwaei Jehovah ko u ni agobo maotik che igochin bikyuk kolel; che susisiei eng’ kelekwak ak kowaachei kole, Kalyet; ak age tugul ne mabaei ichek kochobei luget agobo inendet:

6 egu anyun kemout eng’ okwek, si mogeer ng’ang’utiet; ak koimenit eng’ okwek si ma ong’orsei; ak kororokto asista eng’ maotik, ak koimenit betut eng’ ichek.

7 Ak kolilanso keerik, ak kotoptobenso bik che ng’orsei, ee, ak kagonamgei kut tugul: amu mami wolunet ne bunu Kamuktaindet.

8 Ago kanyiia iman kimnatet eng’ Tamirmirietab Jehovah, ak eng’ kiruoget, ak eng’ kamuget, si kobiit amwachi Jakobo bistoennyi, ak amwachi Israel tengektanyi.

9 Asomok anyun ale ogas nito, okwek kandoikab gotab Jakobo, ak bounikab gotab Israel, che oweche kiruoget, ak omaasi imanda tugul.

10 Teege Sion korotik, ak koteege Jerusalem tengekto.

11 Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

12 Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

God's word open for all

©Bible Society of Kenya, 2020

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ