Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

MATAYO 14 - BUKUIT NE TILIL


Meetab Johana Kabatisanindet

1 Kigas eng’ betusiechoto Herod bounindet logoiywek agobo Jesu,

2 ak kolenji otwogikyik, Johana Kabatisanindet nito, kagong’eet eng’ che kigobek; noto anyun boisiei eng’ inendet kimnatosiechu.

3 Amu kiga konam Herod Johana, korat, ak konde korgoret agobo Herodia, osotiotab Pilipu ng’etab kam.

4 Amu kilenji Johana inendet, Etat eng’ ng’atutik obaige ak kwonyito.

5 Ak ye kimachei kobar inendet, koiywei tuiyet, amu kigiit kele inendet ko matio.

6 Ago ye kingoit betut ne bo sigetab Herod, kour cheptab Herodia eng’ kwen, ak kiibaibai Herod.

7 Ak kiiyosiechi kogochi kiy age tugul ne kasom.

8 Ak ye kingo kagonet kamet, komwa kole, Kona metitab Johana Kabatisanindet eng’ tageito.

9 Kiarogen laitoriat; ago, amu kayosiosiekyik, ak amu ichek che kitebyei ak inendet eng’ amisiet, kong’at kigochi;

10 ak kiiyokto anyun ketil metitab Johana eng’ korgoret.

11 Ak kigiib metinnyi eng’ tageito, kigochi cheboto: ak koipchi kamet.

12 Kibwa anyun alamalyennyi, koib musto ak kotub; ak kiba komwachi Jesu.


Kebaei bik elfusiek mut

13 Ak ye kingogas Jesu, kwo eng’ oloto kolany moingetab beek, agoi surkwen kotabangei, ak ye kingogas tuiyosiek, kosub inendet kobun kelyek kong’eetye nganasok che eechen.

14 Ak kimong’, ak kogeer tuiyet ne o, ak koriregei ichek, ak kosoob bikwak che miandos.

15 Ak kingoek koskoleny, kobwanji alamalyennyi kolenji, Surkwen koroni, ak kagoimen; unde tuiyet koba nganasok, si koaljigei amitwogik.

16 Ago kilenji Jesu, Manyoljin koba: obai okwek ichek.

17 Ak kilenji, Kitinye eng’ yu makatinik mut kityo, ak njirenik aeng’.

18 Ak kole, Oibwa.

19 Ak king’at tuiyosiek kobuur eng’ suswek; ak kinam makatinichato mut, ak njirenik aeng’, ak kingonyal kipsengwet, koberur, ak kobutul, ak kogochi alamalyennyi makatinik ak kogochi alamalyennyi tuiyosiek.

20 Ak kiamis tuguk, kobiyong’so: ak kiiyum katuganik che kinyi kerebonik taman ak aeng’.

21 Ak icheget che kiam ko ki negit murenik elfusiek mut ama kiit kobogorisiek ak lagok.


Kobunei Jesu araraita barak

22 Ak kiichirjir eng’ yoto alamalyennyi kolany moingetab beek, ak koba bitonin kondoe inendet, ye kita koyomisi tuiyosiek koba.

23 Ak kingo kagoyomis tuiyosiek koba, kotogosta inendet tulwet kwo kosa: ak koimenji oloto komi inegei.

24 Ago kiga it moingetab beek araraita kwen, kolungulegei eng’ mildaetab ge ne bo beek; amu kigirindoi icheget usonet.

25 Ak eng’ ripset ne bo ang’wan ne bo kemoi kwo ole mi icheget, kobunei araraita barak.

26 Ak ye kingogeer alamalyennyi inendet kobunei araraita barak, koiyweis, ak kole, Nito ko tamirmiriet; ak kowaach amu kaiyweisiet.

27 Ago king’alalji Jesu ichek eng’ yoto kolenji, Onyiganitu; ane; amoiyweisie.

28 Ak kiwolji Petero kolenji, Kiptaiyandani, ngo inye, ing’ata anyonjin abun beek barak.

29 Ak kile, Nyo. Ak kichortagei Petero eng’ moingetab beek, kobun beek barak kwo ole mi Jesu.

30 Ago ye kingogeer usonet, koiywei; ak kinegit kolis beek kowaach kole, Kiptaiyandani, sorua.

31 Ak kiito Jesu ngunoto eunnyi, konam inendet, ak kolenji, Ee inye ne tinyei kayanet ne ming’in, kalya si isage?

32 Ak ye kingo kagolany ichek moinget, kosis usonet.

33 Ak kiilos inendet ichek che kimi moinget, kole, Iman i Weritab Jehovah.

34 Ak ye kingo kagolanda, koit emetab Genesaret.

35 Ak ye kingonai bikab koronoto inendet, koyokto emonoto komugul, komutyi inendet tugul che kimiandos;

36 ak kiigaigai inendet kole kotwa agot tabandab ngoriennyi: ak kisopchi tugul che kitwa.

God's word open for all

©Bible Society of Kenya, 2020

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ