MALAKI 4 - BUKUIT NE TILIL

¹ Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

² Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

³ Ak otiech kiptengeginik; amu egu orek eng’ keldebesaikab kelyekwok eng’ betut ne ayae nito, mwaei Jehovah ne bo lugosiek.

Kateunet ne bo let

⁴ Obwat Ng’atutietab Musa otwogindennyu, ne kiang’at inendet eng’ Horeb agobo Israel tugul, noto ko ng’atutik ak kiruogutik.

⁵ Ogeero, ayokwok maotiot Elija kotom konyo betut ne o ne imuisei ne bo Jehovah.

⁶ Ak kowal mugulelwekab kwanisiek kotokyigei lagokwak, ak kowal mugulelwekab lagok kotokyigei kwanisiekwak; si manyo abire ng’onyuni chubisiet.