Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

KOMONG'U 31 - BUKUIT NE TILIL


Keleweni Baselel ak Aoliab agobo boisietab Got

1 Ak king’alalji Jehovah Musa kolenji,

2 Keero, kiaguur Besalel, amwa kainennyi, weritab Uri, weritab Hur, ne bo oretab Juda:

3 ak kaanyiit inendet Tamirmiriet ne bo Kamuktaindet, ak ng’omnatet, ak kaguiyet ak naet, konai ole teptoi boisiet age tugul ne bo musoknatet,

4 ak kobwat ole yaitoi boisionikab musoknatet si koboisie tahabu, ak feda, ak sugunonik,

5 ak kowai koik che kitetyin kelongonik, ak koyai ketik, ak koyai boisiet age tugul ne bo musoknatet.

6 Keero, kaalewen ane Oholiab koboto inendet, weritab Aisamak, ne bo oretab Dan; ak kaande ng’omnatet mugulelwekab tugul che tinyei kaguiyet, si kobiit koyai tugul che kaang’atin:

7 emait ne kituiyechin, ak moingetab baornatet, ak keruet ne bo rirenet ne mi baragunnyi, ak tuguk tugul che mi Emainato;

8 ak meset ak tugukyik, ak keldo ne tilil ne bo tait, ak tugukyik tugul ak kapkorosut ne kibeele nyamdutik;

9 ak kaptisisiet ne bo tiseiywek che kibeelei ak tugukyik tugul, ak tabet koboto ng’echerennyi ne tabe;

10 ak ngoroik che kisalei kogororonitu, ak ngoroik che itabanotin che bo Aron tisiindet, ak ngoroikab werikyik, si koboisie eng’ boisietab tiseinatet;

11 ak mwaita ne kiilse, ak nyamdutikab tuguk che ng’uu ne anyiny che bo ole tilil: yaei ichek ko u tugul che kaang’atin.


Ripsetab Sabato

12 Ak king’alalji Jehovah Musa kolenji,

13 Ng’alalji lagokab Israel, ilenji, Orib sabatosiekyuk komie: amu noto kaborunet eng’ kwenunnyo, ane ak inye, eng’ ibinwekwok tugul; si kobiit onai ole a Jehovah ne atabanok.

14 Noto anyun orib sabato; amu itabanat eng’ okwek: kibarei iman age tugul ne imuruoni: amu king’etoi eng’ bikyik chi age tugul ne yaei boisiet age tugul eng’ betunoto.

15 Kiyaei boisiet betusiek lo; ago betutab tisab ko sabato ne bo kamuung’et ne tilil, ne itabanat eng’ Jehovah: kibarei iman chi age tugul ne yaei boisiet age tugul eng’ betutab sabato.

16 Eng’ noto anyun, kanyol korib lagokab Israel sabato, kotaban sabato eng’ ibinwekwak tugul, koek arorutiet ne bo koigeny.

17 Kaborunet nito eng’ kwenunnyu ak lagokab Israel ne bo agoi: amu kiyai Jehovah kipsengwetisiek ak ng’ony eng’ betusiek lo, ak kiimuuny eng’ betut ne bo tisab, kotalbis.

18 Ak ye kingo kagoges Jehovah ng’alalet ne king’alali ak Musa eng’ tulwetab Sinai, kogochi Musa koik aeng’ che lebelen che bo baornatet, che kigisire mornetab Kamuktaindet.

God's word open for all

©Bible Society of Kenya, 2020

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ