KALEWANAIK 23 - BUKUIT NE TILIL

¹ Ye oamisie ak bounindet, Ibwat komie ne mi taing’ung’;

² Ak inde rotwet moktang’ung’, Ngo i kipkeiya.

³ Amat imach amitwogikyik che anyiny; Amu amitwogikab kaberberisiet choto.

- 7 -

⁴ Ameiimge ile iegu magorio; Ametiiege ng’omnateng’ung’.

⁵ Tos igase miat kit ne mami? Amu yachingei magornatet kebebaik, Ko u ye tirireni kipsichit kotokyingei barak.

- 8 -

⁶ Ameam amitwogikab inendet ne tinyei kong’ ne ya, Amemach amitwogikyik che anyiny:

⁷ Amu u inendet kabwatutikyik: Lenjinin, Amisie ak ieeise; Ago mami muguleldanyi koboten.

⁸ Ing’ung’u kererutiet ne keam, Ak kobetyo ng’aleguk che anyiny.

- 9 -

⁹ Amat ing’alal kogasei ne berber; Amu sasei ng’omnatetab ng’aleguk.

- 10 -

¹⁰ Ameiste kiwotet ne bo keny; Amewe mbarenikab che matinyei kwanisiek;

¹¹ Amu kim katiagindenywa; Tononjin ichek eng’ ng’alek kogirindoin.

- 11 -

¹² Igochi muguleldang’ung’ konetisiet, Ak igochi itiguk kogas ng’alekab ng’omnatet.

- 12 -

¹³ Ameesie itigon lakwet: Amu mameei ngibir.

¹⁴ Bire kirokto, Si isoru sobondanyi eng’ oldab che kigobek.

- 13 -

¹⁵ Werinnyu, ngo ng’om muguleldang’ung’, Kobaibai muguleldanyu, ee, baibai muguleldanyu:

¹⁶ Ee, boiboitu muguleldanyu, Ye kemwa tuguk che bo iman.

- 14 -

¹⁷ Amat koam ng’etkong’ muguleldang’ung’ agobo kiptengeginik: Ago konyit Jehovah betut komugul:

¹⁸ Amu mitei iman melekto; Ama kiistoi kamang’uneng’ung’.

- 15 -

¹⁹ Kas anyun, werinnyu, ak ing’omitu, Ak indochi muguleldang’ung’ eng’ oret.

²⁰ Amotebi ak eeikab divaik; Koboto kipkeinik che amei banyek:

²¹ Amu egu bononik kibogitinik ak kipkeinik: Ak ilaakyin ruondo chito mararenik.

- 16 -

²² Epchi it kwandang’ung’ ne kisichin, Amesas komet ko kagoosit.

²³ Al imanit, amealde; Ee, al ng’omnatet, ak konetisiet, ak kaguiyet.

²⁴ Baibaitu mising’ kwandab ne bo iman: Ak inendet ne sichei lakwet ne ng’om, kobaibaitune inendet.

²⁵ Ingogasgei kwandang’ung’ ak komet, Ingobaibait komet ne kisichin.

²⁶ Werinnyu, kona muguleldang’ung’, Ingobaibaitune konyeguk ortinwekyuk.

²⁷ Amu keringet ne loo chepkugoniot; Keringet ne mariich kwondo ne ma neng’ung’.

²⁸ Ee, saptoi ko u rebindet, Ak kotesei kaberberik eng’ bik.

- 18 -

²⁹ Ng’o ne rirei kole, Bwa? Ng’o ne arogeni? Ng’o ne bolei? Ng’o ne ing’unyng’unyi? Ng’o ne kigiguoten buch? Ng’o ne biriren konyek?

³⁰ Ichek che eei divaik agoi; Ichek che cheng’oti maiyek che burugotin.

³¹ Ameiit maiyek ye kagobiriritu, Ye toogu itondanyi eng’ kikombet, Ye rektoi komie:

³² Eng’ let kosus ko u erenet, Ak kouut ko u melmeldo.

³³ Keerei konyeguk karusiek, Ak komwa muguleldang’ung’ tuguk che imaasotin.

³⁴ Ee, iigeitu inendet ne rue nyanjet kwen, Anan ko u inendet ne rue toloitab melit.

³⁵ Ile, Kagokwera, ago ma ama kiy; Kagobira, ama agas: Agosu au, si acheng’at kogeny?