Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

KAITOSYEK 11 - BUKUIT NE TILIL


Kang’unyng’unyetab bik eng’ Tabera

1 Ak ki u ichek bik che ing’unyng’ung’dos, komwaei che yaach eng’ itikab Jehovah; ak kingogas Jehovah, kolalyo neregekyik; ak kilal matab Jehovah eng’ kwenunywa, ak kibeel ole bo tabanwekab nganaset.

2 Ak kirirji bik Musa; ak kisa Musa Jehovah, ak kogesunotgei mat.

3 Ak kigiguure yoto Tabera; amu kilal matab Jehovah eng’ kwenunywa.

4 Ak kisich maget ne ya tuiyet ne o ne bo bik alak tugul che terotin che kimi kwenunywa; ak kiririo lagokab Israel agichek kogeny, kolen, Ng’o ne konech banyek keam?

5 Kiibwati njirenik che kigiame buch eng’ Misri; ak ngwek, ak logoek alak, ak kitunguuk che eechen ak che mengechen, ak kitunguuk che ng’wonen;

6 ago tinyei sobonwekyok munyasta; mami kiy age tugul: magitinye kiy age ne kigeere kobate mana chu.

7 Ak ki kergei mana ak bek che mubere che leelach, ki u itondanywa kit ne kiguure bedola.

8 Kibendoti bik kokweoti, si kobwa kong’a anan kotui eng’ kenusiek, ak koyo eng’ terenik, ak kochob kobwa makatinik; ak kichamu mwaita ne kararan.

9 Ak kingobutyo rewot nganaset kemoi, kobwanei mana ak rewondonoto.


Boisiek tamanwogik tisab che kigilewen koyamada boisiet ak Musa

10 Ak kigas Musa korirtos bik che bo gorikwak tugul, chi age tugul eng’ kurgetab emainnyi: ak kilalyo neregekab Jehovah mising’; ak kiyait noto eng’ Musa agine.

11 Ak kilenji Musa Jehovah, Amu nee si iyachi ne ya otwogindeng’ung’? Amu nee si manyoru chamet eng’ taing’ung’, amu kegesenja lautietab bichu tugul?

12 Tos ane ne kiasiche bichu tugul? Tos ane ne kiasich kot ilenja, Kesene tegeng’ung’, ko u ye keseni kwan lakwet ne reriei, ile amut koba emet ne kiiyosiechi kwanisiekwak?

13 Anyorjini ano banyek che agochini bichu tugul? Amu rirjina kolen, Konech banyek, keam.

14 Mamuchi anege agesen bichu, amu nyigis kot eng’ ane.

15 Ak ngot iyaiywa ko u ni, asain ale, ibara, ngo kianyoru chamet eng’ taing’ung’; amat kota igona ageer nyalildanyu.

16 Ak kilenji Jehovah Musa, Iyumwa boisiek tamanwogik tisab che bo Israel, che ingen ile icheget ko boisiekab bik, ak bounikwak, imutu kobwa emait ne kituiyechin, si kobiit kotononso koboten eng’ oloto.

17 Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

18 Ak ilenji bik, Oanyinygei agobo mutai, ak oam banyek; amu kiorirji Jehovah, olen, Ng’o ne konech banyek keam? Amu kigigoigoi kemi Misri: konok anyun Jehovah banyek amu noto, si oam.

19 Moame eng’ betut agenge, anan eng’ betusiek aeng’, anan eng’ betusiek mut, anan eng’ betusiek taman, anan eng’ betusiek tiptem;

20 ago oame eng’ arawet komugul, agoi kong’uchok, kot owech: amu kioesie Jehovah ne mi kweng’wong’, ak orirji ole, Kilya si kemong’u eng’ Misri?

21 Ak kile Musa, Bichu ami kwenunywa ko elfusiek bogol lo che murenik che bunei kelyek; ak kaile igochini banyek, si koam eng’ arawet agenge.

22 Tos kieng’ji kechirek ak tuga, si koyam ichek? Anan kiyumi ngirenik tugul che mi nyanjet, si koyam ichek?

23 Ak kilenji Jehovah Musa, Tos nwach eutab Jehovah? Igeere nguno kosuldoi ng’olyondennyu agobo inye, anan achicha.

24 Kimanda anyun Musa kwo sang’, komwachi bik ng’alekab Jehovah; ak kiiyum murenik tamanwogik tisab eng’ boisiekab bichoto, ak kotet eng’ ole negite Emait.

25 Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

26 Ago king’etune bik aeng’u nganaset, kigiguure age Eldad, ak kiguure age Medad: ak kitebe ichek tamirmiriet; ak ki boto bichoto, icheget che kiga kisir, ago kima ba ole mi Emait; ak kiamda ng’alek che bwanei eng’ nganaset.

27 Ak kilabat murenet age ne neran, kwo komwachi Musa, kolenji, Amdoi ng’alek che bwanei Eldad ak Medad eng’ nganaset.

28 Ak kiwol Josua weritab Nun, kiboitiotab Musa, ne age eng’ murenjoto ki neran, kolenji, Musa, kiptaiyandennyu, ker kong’ ichek.

29 Ak kilenji Musa inendet, Kaamin ng’et kong’ agobo ane? Mie nda egu maotik bik tugul che bo Jehovah, ak mie nda indoi Jehovah tamirmiriennyi kotebe ichek!

30 Ak kiwa Musa nganaset ak boisiekab Israel.


Koamei bik took eng’ Kibro-hataaba

31 Ak kius usonet ne bunu Jehovah, ak kiib taok eng’ nyanjet, ak kiunda taochoto kobutyi nganaset, ole yamei bandab betut agenge ngeng’eete nganaset eng’ komosi ak komosin keyiem nganaset, ak kitirirendos ne yamei kakwautik aeng’ che bo eut kong’eete ng’ony.

32 Ak king’eetyo bik betunoto komugul, ak kemounoto komugul, ak eng’ betut ne bo aeng’ komugul, koba koyum taochoto: inendet ne kiiyum che ng’ering’ ko ki yamei homerisiek taman; ak kima taochoto koyieme nganaset.

33 Ak ye kingota komi kutuswekwak, kotom kolugui, kolalyo neregekab Jehovah agobo bik, ak kibare Jehovah bik koroito ne kieet kot.

34 Ak kigiguure yoto Kibrot-hataaba, amu kitupchi oloto bik che kinyor maget.

35 Ak kiba bik eng’ Kibrot-hataaba agoi koit Haserot; ak kimeny Haserot.

God's word open for all

©Bible Society of Kenya, 2020

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ