ESTA 10 - BUKUIT NE TILIL

Etunatetab Mordekai

¹ King’at laitoriat Aasuerus aisurut eng’ emet, ak eng’ ngegusiekab nyanjet.

² Ak boisionik tugul che bo kimnatennyi ak kamugennyi, ak ng’alek tugul che bo oindab Mordekai ko u ye kiieet laitoriat inendet, ko tos ma kisirji bukuitab ateptab betusiek ne bo laitorinikab Media ak Persia?

³ Amu kirubei Mordekai Yahudiot laitoriat Aasuerus, ak ki o eng’ Yahudik, ak kichamak eng’ tupchosiekyik che chang’; kicheng’ei kit ne mie agobo bikyik, ak kong’alaljin iyotennyi tugul agobo kalyet.