1 ATEPTAP PEETUUSYEK 25 - BUKUIT NE TILIL

Tienikab hekalut, ak butikab kibugandinik

¹ Kiitaban kogeny Daudi ak kiptainikab luget alak eng’ werikab Asap kotanbanji boisiet, ak che bo Herman, ak che bo Jedutun, si komaotenso eng’ ketubosiek, ak kibugandinik ak sanisiek che bo sugunonik che kibirei: ak koitetab icheget che kiyaei boisiet ko u otisienywa ko:

² che bo werikab Asap ko ki: Sakur, Josep, Netania, ak Asarela, werikab Asap; che kiindochin Asap, ne kimaoteni, ko u ng’atutietab laitoriat.

³ Che bo Jedutun: werikab Jedutun ko ki: Gedalia, Seri, Jesaia, Hasabia, ak Matitia, lo; che kiindochin kwandanywa Jedutun kobutei ketubet, che kimaoteni ak komwaei kongoi kolosu Jehovah.

⁴ Che bo Heman: werikab Heman ko ki: Bukia, Matania, Usiel, Sebuel, Jerimot, Hanania, Hanani, Eliata, Gidalti, Romamti-eser, Josbekasa, Maloti, Hotir, ak Maasiot:

⁵ chuto tugul ko ki werikab Heman keerindetab laitoriat eng’ ng’alekab Kamuktaindet, konamji barak kuinet. Ak kiigochi Kamuktaindet Heman werik taman ak ang’wan, ak tibik somok.

⁶ Kibou chuto tugul kwandanywa si kotienso eng’ gotab Jehovah, kotinyei sanisiek che bo sugunonik che kibirei, ak ketubosiek, agobo otisietab gotab Kamuktaindet; king’atei laitoriat Asap, Jedutun ak Heman.

⁷ Ak koitenywa ko ki bogol aeng’ tamanwogik sisiit ak sisiit ko kagiit koboto tupchosiekwak che kiginet eng’ tienwogik kotienjin Jehovah, tugul che ki ng’omen.

⁸ Ak kiser barbarek agobo boisionikwak, kogergeit tugul, che mengechen ak che eechen, konetindet ak ne kineti.

⁹ Kimong’ barbariat ne bo tai, kobunji Josep agobo Asap: kobunji ne bo aeng’ Gedalia; ki taman ak aeng’ koboto tupchosiekyik ak werikyik:

¹⁰ kobunji ne bo somok Sakur, ki taman ak aeng’ werikyik koboto tupchosiekyik:

¹¹ kobunji ne bo ang’wan Isri, ki taman ak aeng’ werikyik ak tupchosiekyik:

¹² kobunji ne bo mut Netania, ki taman ak aeng’ werikyik ak tupchosiekyik:

¹³ kobunji ne bo lo Bukia, ki taman ak aeng’ werikyik ak tupchosiekyik:

¹⁴ kobunji ne bo tisab Jesarela, ki taman ak aeng’ werikyik ak tupchosiekyik:

¹⁵ kobunji ne bo sisiit Jesaia, ki taman ak aeng’ werikyik ak tupchosiekyik:

¹⁶ kobunji ne bo sogol Matania, ki taman ak aeng’ werikyik ak tupchosiekyik:

¹⁷ kobunji ne bo taman Simei, ki taman ak aeng’ werikyik ak tupchosiekyik:

¹⁸ kobunji ne bo taman ak agenge Asarel, ki taman ak aeng’ werikyik ak tupchosiekyik:

¹⁹ kobunji ne bo taman ak aeng’ Asabia, ki taman ak aeng’ werikyik ak tupchosiekyik:

²⁰ kobunji ne bo taman ak somok Subael, ki taman ak aeng’ werikyik ak tupchosiekyik:

²¹ kobunji ne bo taman ak ang’wan Matitia, ki taman ak aeng’ werikyik ak tupchosiekyik:

²² kobunji ne bo taman ak mut Jeremot, ki taman ak aeng’ werikyik ak tupchosiekyik:

²³ kobunji ne bo taman ak lo Hanania, ki taman ak aeng’ werikyik ak tupchosiekyik:

²⁴ kobunji ne bo taman ak tisab Josbekasa, ki taman ak aeng’ werikyik ak tupchosiekyik:

²⁵ kobunji ne bo taman ak sisiit Hanani, ki taman ak aeng’ werikyik ak tupchosiekyik:

²⁶ kobunji ne bo taman ak sogol Maloti, ki taman ak aeng’ werikyik ak tupchosiekyik:

²⁷ kobunji ne bo tiptem Eliata, ki taman ak aeng’ werikyik ak tupchosiekyik:

²⁸ kobunji ne bo tiptem ak agenge Hotir, ki taman ak aeng’ werikyik ak tupchosiekyik:

²⁹ kobunji ne bo tiptem ak aeng’ Gidalti, ki taman ak aeng’ werikyik ak tupchosiekyik:

³⁰ kobunji ne bo tiptem ak somok Maasiot, ki taman ak aeng’ werikyik ak tupchosiekyik:

³¹ kobunji ne bo tiptem ak ang’wan Romamti-eser, ki taman ak aeng’ werikyik ak tupchosiekyik.