matai 1 - buacou seiso no faeva esvʉtʉ

ceoceona to emoo to iesu kilisto

¹ mo maica 'o ceoceona no emoo to iesu: zou mʉntʉ'ca to tavite 'o iesu kilisto, mʉntʉ'ca to 'avulahamu 'o tavite.

² isi peyafa to 'avulahamu 'o 'isaku, peyafa to 'isaku 'o yakovu, peyafa to yakovu 'o yuta ho i'o ohaesasi.

³ 'o yuta ho taama ihe peyafa 'o falosu ho seela, peyafa to falosu 'o sisulun, peyafa to sisulun 'o 'alan.

⁴ peyafa to 'alan 'o 'aminata, peyafa to 'aminata 'o naasun, peyafa to naasun 'o saamong,

⁵ 'o saamong ho laaho ihe peyafa 'o po'asu, 'o po'asu ho lutelu ihe peyafa 'o 'opeto, peyafa to 'opeto 'o iesi,

⁶ 'o iesi isi peyafa 'o honte tavite. 'o tavite ho i'o vcongʉ to 'ulia ihe peyafa 'o solomong,

⁷ peyafa to solomong 'o lopo'an, peyafa to lopo'an 'o 'apia, peyafa to 'apia 'o 'asa,

⁸ peyafa to 'asa 'o yosafa, peyafa to yosafa 'o yoolan, peyafa to yoolan 'o 'usia,

⁹ peyafa to 'usia 'o yootan, peyafa to yootan 'o 'ahasu, peyafa to 'ahasu 'o sisicia,

¹⁰ peyafa to sisicia 'o manasi, peyafa to manasi 'o 'amen, peyafa to 'amen 'o yosiya.

¹¹ ne ohe seolʉa no holeo to papilong 'o suezopʉ to 'isolaelu, isi peyafa to yosiya 'o yoyacing ho i'o ohaesasi.

¹² ataveisi ho ohe holeo to papilong, isi peyafa to yoyacing 'o salate, peyafa to salate 'o solopapo,

¹³ 'o solopapo isi peyafa 'o 'api'i, peyafa to 'api'i 'o 'iliacin, peyafa to 'iliacin 'o 'aso,

¹⁴ peyafa to 'aso 'o satu, peyafa to satu 'o 'akin, peyafa to 'akin 'o 'ili,

¹⁵ peyafa to 'ili 'o 'iliyasa, peyafa to 'iliyasa 'o matan, peyafa to matan 'o yakovu,

¹⁶ peyafa to yakovu 'o yosefu, 'ai'ocu eno vcongʉ to maliya. 'o ihe yainca kilisto ci iesu 'aisieno peyafa to maliya.

¹⁷ yaica ci hia tmasvʉtʉ, ahoi to 'avulahamu ac'ʉhʉ to tavite mo maskʉ uspotʉ no mʉntʉ'ca, ahoi to tavite ac'ʉhʉ ne ohecu holeo to papilong mo maezo maskʉ uspotʉ no mʉntʉ'ca, ahoi ne ohe holeo ac'ʉhʉ to kilisto mo i'vaho maskʉ uspotʉ no mʉntʉ'ca.

yayo 'o iesu kilisto

¹⁸ moso maica na nia hia yayo to iesu kilisto: i'o inosi maliya mohcu esvʉtʉ no navconga 'o yosefu, at'inghi to auyusi no aʉlʉ navconga, isi iachia cohivi to maliya micu i'mi to seilei ho yaa ngho'ʉa.

¹⁹ i'ontesi vcongʉ ci yosefu la mousʉngcʉ ci cou, o'aisi 'ucia apa'ta aokoe'iya 'o maliya, mo at'inghi yaa 'tohʉngʉ no auc'oc'ova teongasi.

²⁰ ne isin'a seolʉa no siya no koyusi eni, mo aopa'to to ceisi 'o tensi to nooe'oca, yainca:

²¹ tesi peyafa 'o cihi ci oko, teko poa iesu na tesi ongko, maica ho tesi to'usni 'o mao'o'okosi ho poa momeesih'i no kuisihe.>

²² homo esmi 'e acʉcʉhʉ ci hi'hioa eni te mia 'o ohsila ieni to eyongensa to nooe'oca ho yainca:

²³ (na e'ausnasi ta <'imaneli> zou .)

²⁴ mo peihsasmome 'o yosefu, cu maito hia eutotavei to tensi ho hioa, sʉemʉema 'o maliya;

²⁵ at'inghi auyusi no yayo 'o oko o'amo noepohʉ to hopo. ne micu yayo 'o oko, isicu tos'ongki to yosefu ho poa iesu.