kolinto 1 1 - buacou seiso no faeva esvʉtʉ

¹ zou poolo a'o; i'mi no 'tohʉngʉ to hamo, isi eyoho'a a'o ho poa sitoo to kilisto iesu. te'o iepoepohneni 'e nat'ohaesa ci sotini

² tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

³ faeni'sio muu to amohamo ho ito nooe'oca iesu kilisto na mengumi ho soanono!

na ʉm'ʉmnʉ to 'ayumona to kilisto

⁴ la'u asngʉcva 'aveoveoneni to hamo na muu, maica ho isi ieni to kilisto iesu ho fii no mengumi na muu,

⁵ poa no'ayumonʉ to kilisto na muu ho aa'pucu atngaso, noemʉhʉ na mau'to'tohʉngʉ ho meemealʉ ya'ei.

⁶ ina 'akasi to kilisto micu nomahtʉicʉ ta taicomu.

⁷ ac'ʉhʉ ho mimu mooteo hocic'u espa'to 'o nooe'oca iesu kilisto, o'amo aovohʉ nante conci mengumi.

⁸ 'atesi ahtao'te apopaezuma to'usni to nooe'oca muu, no hiesi ho tac'u ohpueho 'o nooe'oca iesu kilisto poa uk'a emzi no koica muu.

⁹ zou mou'ʉmtʉ 'o hamo; isi eyoho'a muu, ho poa tmuteuyunu to okosi namuu - 'o nooe'oca ci iesu kilisto.

apopaevai ci kiokai

¹⁰ maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

¹¹ maanat'ohaesa'u, panto cihi to emoo to kolai isi mi'usni a'o ho esansana, yainca mo yaa eehcʉvho ta taicomu.

¹² na koyu'u, mo mav'ov'o 'o e'e tamo botngonʉ. panto la mainca ; pantola mainca: ; panto la mainca: ; pantola mainca:

¹³ maincis'a apopaevaza 'o kilisto! zoueno poolo namo yonto zuuzika ho mcoineni muu? mimueno boemi no ongko to poolo ho tiou no toonono?

¹⁴ 'aveoveoyʉ to hamo, tapeoha 'o cilisupu ho i'o kaiyo, uk'ana cimo cihi ci o'ula toononvi ta 'ayumonamu.

¹⁵ ko'koeno uk'acite meelʉ mainca, mimu boemi ta ongko'u ho tiou no toonono. (

¹⁶ 'iya, o'u yaeza toononvi 'o sutepana ho i'o conosi emoo. no mocmosi, pano o'unana yaeza toononvi, o'ana os'o talʉa.)

¹⁷ ho isi popeoskuna to kilisto a'o o'a isis'a akoeva no poa toonono, ma isi poa psoyaski ta fukuin a'o, o'amo boemi no moutʉs'ʉ ci e'e, ci tes'a aapayo'ʉ na tonʉ to kilisto homo mcoi to zuuzika.

'o kilisto zou meoino no tonʉ ho moutʉs'ʉ to hamo

¹⁸ na fihngau homo mcoi to zuuzika 'o kilisto. yono lahe hu'a'ausna tote emo'usnu no aapapayo'ʉ ci cou mo nongonongo; mi'usnu ta mito elʉ no to'usni ci cou. zou meoino no tonʉ to hamo.

¹⁹ maica isi yainca to seiso: te'o aapapayo'a 'o moutʉs'ʉ to mo mau'to'tohʉngʉ ci cou; te'o aapayo'a 'o mau'to'tohʉngʉ tomo motposʉ.

²⁰ homo maica, mo yonenu na mo mau'to'tohʉngʉ ci cou? mo yonenu na motposʉ ci cou? mo yonenu na leyʉhcʉvho ta hpʉhpʉngʉ? 'o hamo isicu acʉha poa nongonongo 'e moutʉs'ʉ ta hpʉhpʉngʉ!

²¹ isi titha to hamo 'o moutʉs'ʉsi, o'te poa meelʉ boemi no mau'to'tohʉngʉhe 'e yatatiskova ho poa honganeni 'e iachi; apuyu, isi ieni to imza psoyaska ci mo ci e'e ho to'usni 'omo tmaa'uzo ci cou.

²² 'o couyutaya la mici baito no po'e, 'o coungilisia la biebimi no moutʉs'ʉ,

²³ lamza apuya psoyaska 'o isi spica to zuuzika ci kilisto. ho lahe aiti to couyutaya 'e e'e eni la paepekosi, ho lahe aiti to couyafana mo peisloʉngʉ.

²⁴ at'inghi ho isi aiti ta isi epeiya to hamo ci cou, 'upena na couyutaya ho coungilisia, 'e e'e eni zou kilisto; zou meoino tonʉ to hamo, moutʉs'ʉ to hamo.

²⁵ maica ina conino tosa'ohe no moutʉs'ʉ ta cou, ina mo maezo tosa'ohe no taso ta cou.

²⁶ maanat'ohaesa. la talʉa'sio ho ohsi eyoho'a to hamo na muu, mohmula yono mo mainenu ci a'a'ausna, hoci ieni no hia baito ta cou, mo kakutia na mimu mau'to'tohʉngʉ. kakutia na mo yaa tonʉa. kakutia namo suepe no ca'hʉ.

²⁷ i'o hamo namaisi epeiya 'o ihe ta'unano mo nongonongo ta yatatiskova, poa ma'kokoe'i 'emo mau'to'tohʉngʉ ta cou; epeiya to hamo 'o ihe ta'unano mo yoz'u ta yatatiskova. poa koe'i 'omo yutataso ci cou.

²⁸ isi yaeza epeiya to hamo 'o lahe hupotfʉnga, kuzoa, ta'unano mo uk'a a'a'ausna ci cou, ho popuya 'o lahe conino ta'unano isi hutva'esa,

²⁹ poa o'te meelʉ etano 'e cou hote yonto tuhcu to hamo.

³⁰ 'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

³¹ aʉlʉ mais'a 'o isi yainca to seiso: