Psonm 70 - Labib An Kreol Seselwa

Lapriyer pour Demann Sekour

Pour sef lakoral. Sorti kot David pour en lofrann remersiman.

¹ Mon Bondye! Delivre mwan. SENYER! Vin vit pou sekour mwan.

² Kouver sa bann ki oule touy mwan avek laont ek konfizyon. Fer rekile avek dezoner sa bann ki swet mon maler.

³ Fer sa bann ki gognard mwan, tonm dan zot laont.

⁴ Me sa bann ki pe rod ou ava rezouir e deborde avek lazwa akoz ou. Sa bann ki kontan ou koman zot Sover, ava touzour proklanmen: Bondye i gran!

⁵ Mwan, mon en pov dan bezwen; Mon Bondye pa oubliy mwan! SENYER! Ou mon sekour e mon liberater, pa tarde!