Psonm 141 - Labib An Kreol Seselwa

Lapriyer pour Aswar

Psonm David.

¹ SENYER! Mon apel ou. Vin vit kot mwan. Ekout mwan kan mon apel ou.

² Aksepte mon lapriyer parey lansan ki mont kot ou e mon lanmen i leve parey en lofrann aswar.

³ SENYER! Met en kadnan lo mon labous; vey lo laport mon labous.

⁴ Pa les mon leker tonm dan lemal, pour mwan pa tonm dan bann move mers bann malfeter. Alor, mon pa pou bezwen manz zot dipen.

⁵ Mon aksepte ganny pini par en zonm zis e ganny korize avek bonte. Sa i en zes ki mon pa kapab refize.

⁶ Mon bann lennmi ava rekonnet ki mon pe dir laverite, zour zot sef ava ganny zete dan presipis.

⁷ Zot lezo pou ganny zete dan lemonn lanmor, parey ler later i ganny laboure.

⁸ SENYER Bondye! Gard mon lizye fikse lo ou; mon vin rod sekour kot ou; protez mon lavi.

⁹ Protez mwan kont latrap ki zot in poze pour mwan e kont pyez bann malfeter.

¹⁰ Sa bann dimoun ava tonm dan zot prop latrap. Me mwan, mon pou kapab sape.