Zonas 2 - Labib An Kreol Seselwa

Lapriyer Zonas

¹ Dan vant sa pwason, Zonas ti priy SENYER, son Bondye:

² Dan mon dezespwar mon ti apel ou SENYER e ou ti reponn mwan. Depi dan profonder lanmor mon ti kriy osekour, e ou ti reponn mwan.

³ Ou ti zet mwan dan fon lanmer, dan fon losean, kouran ti antour mwan. Laroul apre laroul ti pas lo mwan.

⁴ Mon ti dir: Mon pe ganny sase devan ou. Koman mon pou war ou tanp sen ankor?

⁵ Lanmer ti kouver mwan, losean ti otour mwan; gomon ti'n antour mon latet.

⁶ Mon ti desann kot montanny i pran son rasin, dan profonder lemonn lanmor kot laport ti ferm lo mwan pour touzour. Me ou, SENYER, mon Bondye, ou'n tir mwan vivan dan profonder lanmor.

⁷ Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.

⁸ Bann ki ador bann fo bondye napa sans ganny sove.

⁹ Me mwan, mon pou ofer ou sakrifis, e sant ou rekonesans. Mon pou gard mon bann promes. Zis SENYER ki Sover!

¹⁰ SENYER ti donn lord sa pwason e sa pwason ti al vomi Zonas ater.