Zenez 10 - Labib An Kreol Seselwa

Desandans bann Garson Noe

¹ Apre deliz, bann garson Noe, Senm, Kanm ek Zafet ti ganny bokou zanfan. La lalis zot desandans:

² Bann garson Zafet: Gomer, Magog, Madai, Yavann, Toubal, Mesek ek Tira.

³ Bann garson Gomer: Askenaz, Rifat ek Togarma.

⁴ Bann garson Yavann: Elisa, Tarsis, Kitim ek Rodanim.

⁵ Bann zabitan lo lakot ti zot desandan. Sa ti bann garson Zafet. Sakenn ti ganny dapre son langaz, son nasyon e dapre son klan.

⁶ Bann garson Kanm: Kous ek Misraim, Pout ek Kanaan.

⁷ Bann garson Kous: Seba, Havila, Sabta, Rama ek Sabteka. Bann garson Rama: Saba ek Dedann.

⁸ Kous ti osi papa Nimrod ki ti premye ero lo later.

⁹ Nimrod ti en gran saser devan SENYER. Se pour sa rezon ki zot ti dir: Parey Nimrod, en gran saser devan SENYER.

¹⁰ Bann premye lavil dan son rwayonm ti Babel, Erek ek Akad, dan pei Sinear.

¹¹ Nimrod ti kit sa pei pour al ver Asiri. I ti konstri lavil Niniv, Reobot, Kela

¹² e Resen, ki ant Niniv ek gran lavil Kela.

¹³ Misraim ti zanset bann zabitan Loud, Enanm, Leab, Naftou,

¹⁴ Patros, Kaslou ek Kaftor, kot bann Filisten ti sorti.

¹⁵ Kanaan ti papa Sidon, son lene garson, ek Het,

¹⁶ zanset bann Zebizit, Amorit, Gigarsit,

¹⁷ Hivit, Arkit, Sinit,

¹⁸ Arvadit, Semarit ek Hamatit. Apre, bann tribi Kananeen ti disperse en pe partou,

¹⁹ e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa.

²⁰ Sa ti bann desandan Kanm par fanmir, dapre pei e dapre zot nasyon.

²¹ Senm, lene frer Zafet, ti osi ganny plizyer garson, ki trouv parmi bann zanset Heber e tou son desandan.

²² Bann garson Senm: Elanm, Asour, Arpaksad, Loud ek Aranm.

²³ Bann garson Aranm: Outs, Oul, Geter ek Mas.

²⁴ Arpaksad ti papa Sela; Sela ti papa Heber.

²⁵ Heber ti ganny de garson: Premye ti apel Peleg, savedir Divizyon, akoz dan son lepok, later ti ganny divize. Son frer ti apel Yoktann.

²⁶ Yoktann ti papa Almodad, Selef, Hasarmavet, Yera,

²⁷ Hadoranm Ouzal, Dikla,

²⁸ Obal, Abimael, Saba,

²⁹ Ofir, Havila, Yobab: Zot tou, zot bann garson Yoktann.

³⁰ Zot teritwar kot zot ti reste ti pran depi Mesa, lo kote Sefar ziska rezyon montanny dan Les.

³¹ Sa ti bann desandan Senm par klan, dapre langaz, dapre pei e dapre nasyon.

³² Sa ti fanmir bann garson Noe dapre zot desandans, par nasyon. Apartir zot ki'n sorti tou bann nasyon ki'n disperse partou lo later apre deliz.