Psonm 8 - Labib An Kreol Seselwa

Laglwar Bondye ek Dinyite bann Imen

Psonm David, pour sef lakoral, avek lakonpannyman laarp Gat.

¹ SENYER! Ou ki nou SENYER! Ou non i manifik partou lo later. Ou laglwar i pli o ki lesyel.

² Labous pti baba ek bann zanfan i sant ou laglwar. Ou montre ou pwisans kont ou bann lennmi e fer ou bann ladverser reste silans.

³ Ler mon admir grander lesyel ki ou'n fer, lalin ek bann zetwal ki ou'n met an plas,

⁴ ki zonm i ete, pour ki ou mazin li e en imen pour ou pran swen avek li?

⁵ Ou'n fer li en pti pe pli pti ki en bondye. Ou'n kouronn li avek splander ek laglwar.

⁶ Ou'n donn li dominasyon lo tou sa ki ou'n kree. Ou'n met tou anba son kontrol:

⁷ Mouton ek bef, menm bann zannimo sovaz,

⁸ bann zwazo dan lezer, bann pwason dan lanmer e tou bann kreatir dan losean.

⁹ SENYER! Ou ki nou SENYER! Ou non i manifik partou lo later.