Psonm 54 - Labib An Kreol Seselwa

Lapriyer pour Demann Proteksyon kont Lennmi

Pour sef lakoral. Avek bann lenstriman lakord. En poenm David ler bann Zifit ti al dir Sail: David pe kasyet parmi nou.

¹ Mon Bondye! Par ou pwisans, sov mwan. Par ou lafors, pran desizyon dan mon faver.

² Mon Bondye! Ekout mon lapriyer. Ekout sa ki mon annan pou dir.

³ Dimoun arogan in atak mwan; bann zonm vyolan i oule touy mwan. Zot napa okenn panse pour Bondye.

⁴ Bondye i mon sekour. SENYER i soutenir sa enn ki soutenir mwan.

⁵ I fer maler tonm lo sa bann ki malparl lo mwan! Dan ou fidelite, detri zot.

⁶ Avek gran ker mon pou ofer ou en sakrifis. Mon pou loue ou non, SENYER, akoz ou bon.

⁷ Annefe, i'n tir mwan dan tou mon bann traka, e mon'n get avek plezir defet mon bann lennmi.