Psonm 52 - Labib An Kreol Seselwa

Zizman ek Pardon Bondye

Pour sef lakoral. En poenm David ler Doeg, ki sorti Edonm, ti vin war Sail pour dir li: David in antre dan lakaz Abimelek.

¹ Ou ki pratik mansonz, ou lalang i fer konplo pour detri, parey en razwar byen fite.

² Tou lazournen, ou fer konplo zis pou detri; ou envant mansonz.

³ Ou prefer dimal plito ki dibyen, mansonz plito ki laverite.

⁴ Ou kontan servi parol blesan. Dan ou labous i sorti zis mansonz.

⁵ Alor, Bondye pou detri ou pour touzour; i pou sezi ou e trenn ou deor; i pou derasin ou lo later parmi bann vivan.

⁶ Kan bann dimoun zis pou war sa, zot pou per; zot pou riy ou:

⁷ Get li sa zonm ki pa'n pran Bondye pour protekter, me ki'n fye lo son gran larises e ki'n depann lo son bann krim!

⁸ Me mwan, mon parey en pye zoliv ver dan tanp Bondye. Mon met mon konfyans dan fidelite Bondye pour touzour.

⁹ Mon pou touzour dir ou mersi pour tou sa ki ou'n fer. Mon pou proklanm ou labonte devan ou bann fidel.